ಬೆಂಗಳೂರು: ಬಿಜೆಪಿಯನ್ನು ಉಲ್ಲೇಖಿಸದೇ ಪರೋಕ್ಷವಾಗಿ ಬಿಜೆಪಿ ವಿರುದ್ಧ ಕಿಡಿಕಾರಿರುವ ಬಹುಭಾಷಾ ನಟ ಕಿಶೋರ್ ಕುಮಾರ್, ಜಗತ್ತಿಗೇ ಮಾದರಿ ಪ್ರಜಾಪ್ರಭುತ್ವವಾದ ಉದಾತ್ತ ರಾಷ್ಟ್ರದ ಹೆಮ್ಮೆಯ ಸಂಕೇತಗಳನ್ನು ಒಂದೊಂದಾಗಿ ಧ್ವಂಸಗೊಳಿಸುತ್ತಿರುವ ಇವರು ಯಾರು ಎಂದು ಪ್ರಶ್ನಿಸಿದ್ದಾರೆ.
ಫೇಸ್ಬುಕ್ ಮೂಲಕ ಹರಿಹಾಯ್ದಿರುವ ನಟ ಕಿಶೋರ್, ಮೊದಲು ಜಗತ್ತಿಗೇ ಸತ್ಯ ಶಾಂತಿ ತ್ಯಾಗದ ಸಂದೇಶ ಸಾರಿದ ರಾಷ್ಟ್ರಪಿತ ಗಾಂಧಿಯ ಮುಖಕ್ಕೆ ಮಸಿ ಬಳಿದರು, ನಂತರ ಸೌಹಾರ್ದ ಸಾಮರಸ್ಯದ ಸಂಕೇತವಾದ ರಾಷ್ಟ್ರಧ್ವಜದ ಬಣ್ಣಕ್ಕೆ ಕೈ ಹಾಕಿದರು, ಇಂದು ಇಡೀ ಪ್ರಪಂಚಕ್ಕೆ ವಿಶ್ವಮಾನವ ಸಂದೇಶ ಸಾರಿದ ರಾಷ್ಟ್ರಕವಿ ಕುವೆಂಪುರವರನ್ನು ಗುರಿಯಾಗಿಸಿದ್ದಾರೆ.ತಡವಾಗಿಯಾದರೂ ನಾವು ಎಚ್ಚರಗೊಳ್ಳದಿದ್ದರೆ …. ನಾಳೆ ???? ಎಂದು ಬಿಜೆಪಿ ಹೆಸರೆತ್ತದೆ ಪರೋಕ್ಷವಾಗಿಯೇ ಕಿಡಿಕಾರಿದ್ದಾರೆ.
ಜಗತ್ತಿಗೇ ಮಾದರಿ ಪ್ರಜಾಪ್ರಭುತ್ವವಾದ ಉದಾತ್ತ ರಾಷ್ಟ್ರದ ಹೆಮ್ಮೆಯ ಸಂಕೇತಗಳನ್ನು ಒಂದೊಂದಾಗಿ ಧ್ವಂಸಗೊಳಿಸುತ್ತಿರುವ ಇವರು ಯಾರು ಎಂದು ಕಿಶೋರ್ ಪ್ರಶ್ನಿಸಿದ್ದಾರೆ. ಸದ್ಯ ನಟ ಬಿಜೆಪಿ ವಿರುದ್ಧ ಪರೋಕ್ಷವಾಗಿ ನಡೆಸಿರುವ ವಾಗ್ದಾಳಿ ಸಾಮಾಜಿಕ ಜಾಲತಾಣದಲ್ಲಿ ಪರ ವಿರೋಧ ಚರ್ಚೆಗೆ ಕಾರಣವಾಗಿದೆ.
