ಮೊರಾಕ್ಕೊ ಗೆ ಅಮೆರಿಕದ ರಾಯಭಾರಿಯಾಗಿ ಭಾರತೀಯ ಮೂಲದ ಪುನೀತ್ ತಲ್ವಾರ್ ನೇಮಕ

ವಾಷಿಂಗ್ಟನ್: ಮೊರಾಕ್ಕೊ ದೇಶಕ್ಕೆ ಅಮೆರಿಕದ ರಾಯಭಾರಿಯಾಗಿ ಭಾರತೀಯ ಮೂಲದ ಪುನೀತ್ ತಲ್ವಾರ್ ರನ್ನು ಅಮೆರಿಕದ ಅಧ್ಯಕ್ಷ ಜೋ ಬೈಡನ್ ನೇಮಕ ಮಾಡಿದ್ದಾರೆ.

ರಾಷ್ಟ್ರೀಯ ಭದ್ರತೆ ಮತ್ತು ವಿದೇಶಾಂಗ ನೀತಿ ಇಲಾಖೆಗಳಲ್ಲಿ ಉನ್ನತ ಹುದ್ದೆಗಳನ್ನುನಿಭಾಯಿಸಿರುವ ಪುನೀತ್ ತಲ್ವಾರ್, ರಕ್ಷಣಾ ಇಲಾಖೆ, ಶ್ವೇತಭವನ ಹಾಗೂ ಅಮೆರಿಕ ಸೆನೆಟ್ ನಲ್ಲೂ ಉನ್ನತ ಹುದ್ದೆಗಳಲ್ಲಿದ್ದರು. ಪ್ರಸ್ತುತ ಪುನೀತ್ ತಲ್ವಾರ್ ರಕ್ಷಣಾ ಇಲಾಖೆಯ ಹಿರಿಯ ಸಲಹೆಗಾರರಾಗಿ ಕಾರಯನಿರ್ವಹಿಸುತ್ತಿದ್ದಾರೆ.

ವಾಷಿಂಗ್ಟನ್ ನ ಡಿಸಿಯಲ್ಲಿ ಜನಿಸಿರುವ ಅವರು ಕಾರ್ನೆಲ್ ವಿವಿಯಿಂದ ಎಂಜಿನಿಯರಿಂಗ್ನಲಲ್ಲಿ ಬಿಎಸ್ ಪದವಿ ಮತ್ತುಕೊಲಂಬಿಯಾ ವಿವಿಯಿಂದ ಅಂತರರಾಷ್ಟ್ರೀಯ ವ್ಯವಹಾರಗಳ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ.