January 19, 2021

ಸೌದಿಯಲ್ಲಿ ಸಂಕಷ್ಟದಲ್ಲಿದ್ದ ಪಶ್ಚಿಮ ಬಂಗಾಳದ ಸಹೋದರರಿಗೆ ಆಸರೆಯಾದ KCF

ಅಲ್ ಕೋಬರ್ : ಉದ್ಯೋಗ ಪರವಾನಿಗೆ ಮತ್ತು ವೇತನ ದೊರೆಯದೆ ಸಂಕಷ್ಟದಲ್ಲಿದ್ದ ಪಶ್ಚಿಮ ಬಂಗಾಳ ಮೂಲದ ಇಬ್ಬರು ಉದ್ಯೋಗಿಗಳಿಗೆ ಕೆ.ಸಿ.ಎಫ್. ಎಲ್ಲಾ ರೀತಿಯ ಸಹಾಯ ಒದಗಿಸಿ ಮಾನವೀಯತೆ ಮೆರೆದಿದೆ.

ಒಂದೂವರೆ ವರ್ಷಗಳ ಹಿಂದೆ ಸೌದಿ ಅರೇಬಿಯಾದ ಪ್ರತಿಷ್ಠಿತ ಕಂಪನಿಯೊಂದಕ್ಕೆ ಉದ್ಯೊಗ ನಿಮಿತ್ತ ಆಗಮಿಸಿದ್ದ ಕೊಲ್ಕತ್ತಾ ನಿವಾಸಿಗಳಾದ ಶದಬ್ ಇಮಾಮ್ ಹಾಗೂ ಹಸನ್ ಅಬ್ಬಾಸ್ ಎಂಬವರಿಗೆ ಕಂಪನಿಯು ಈವರೆಗೆ ಯಾವುದೇ ಉದ್ಯೊಗ ಪರವಾನಿಗೆಯೂ ನೀಡದೆ ಮತ್ತು ತಿಂಗಳ ಸಂಬಳವೂ ಕೊಡದಿದ್ದುದರಿಂದ ಸಂಕಷ್ಟ ಎದುರಾಗಿತ್ತು.

ಹೀಗಾಗಿ ದೈನಂದಿನ ಖರ್ಚಿಗಾಗಿಯೂ ಪರದಾಡುತ್ತಿದ್ದ ಶದಬ್ ಮತ್ತು ಅಬ್ಬಾಸ್ ಅವರ ಕಷ್ಟದ  ಪರಿಸ್ಥಿತಿಯನ್ನು ಕಂಡ ಕೆ.ಸಿ.ಎಫ್. ಕಾರ್ಯಕರ್ತ ಅಬ್ದುಲ್ ಸತ್ತಾರ್ ಉಚ್ಚಿಲ ಎಂಬುವವರು ಸಮಿತಿಗೆ ತಿಳಿಸಿದ್ದರು. ಈ ಹಿನ್ನೆಲೆಯಲ್ಲಿ ತಕ್ಷಣವೇ ಸಂಕಷ್ಟದಲ್ಲಿದ್ದ ಶದಬ್ ಮತ್ತು ಅಬ್ಬಾಸ್ ಗೆ ಬೇಕಾದ ಎಲ್ಲಾ ರೀತಿಯ ದೈನಂದಿನ ರೇಷನ್ ವ್ಯವಸ್ಥೆಗಳನ್ನು ಏರ್ಪಡಿಸಲಾಯಿತು. ಅದೇ ರೀತಿ ಸೌದಿ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿ, ನ್ಯಾಯಲಯವು ಅನುಕೂಲಕರ ತೀರ್ಪನ್ನು ನೀಡಿ ಸಹಕರಿಸಿದೆ.

ನಂತರ  ಅವರಿಗೆ ಊರಿಗೆ ಹೋಗಲು ಬೇಕಾದ ಎಕ್ಸಿಟ್ ವೀಸಾಕ್ಕೆ ಕೂಡ ಸಹಕಾರ ನೀಡಿತ್ತು. ಕೆ.ಸಿ.ಎಫ್ ದಮ್ಮಾಮ್ ಝೋನ್ ಹಾಗೂ ಕೋಬರ್ ಸೆಕ್ಟರ್ ಸಮಿತಿ ವತಿಯಿಂದ ಊರಿಗೆ ಹೋಗಲು ಪ್ರಯಾಣದ ಖರ್ಚನ್ನು ಮತ್ತು ಟಿಕೇಟ್ ನೀಡಿ ಅವರಿಗೆ ಬೇಕಾದ ಎಲ್ಲಾ ರೀತಿಯ ವ್ಯವಸ್ಥೆಯನ್ನು ಮಾಡಿ ಕೊಡಲಾಯಿತು.

ಈ ಸಂದರ್ಭದಲ್ಲಿ ಅವರಿಗೆ ಎಲ್ಲಾ ರೀತಿಯಲ್ಲಿ ಸಹಕರಿಸಲು ಕಾರ್ಯಚರಿಸಿದ ಕೆ.ಸಿ.ಎಫ್. ರಾಷ್ಟ್ರೀಯ ಸಾಂತ್ವನ ಚೇರ್ಮನ್ ಮುಹಮ್ಮದ್ ಮಲೆಬೆಟ್ಟು, ಕೋಬರ್ ಸೆಕ್ಟರ್ ಸಾಂತ್ವನ ಕನ್ವೀನರ್ ಶರೀಫ್ ಪೂಂಜಾಲ್ ಕಟ್ಟೆ, ಅದೇ ರೀತಿ ಇತರ ಸೆಕ್ಟರ್ ನಾಯಕರಿಗೆ ಧನ್ಯವಾದಗಳನ್ನು ಸಲ್ಲಿಸಲಾಯಿತು.

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ