ಬಾಗಲಕೋಟೆ: ರಸ್ತೆ ಬಂದಿ ಪಂಕ್ಚರ್ ಆಗಿ ನಿಂತಿದ್ದ ಕ್ಯಾಂಟರ್ ನ ಟಯರ್ ಬದಲಾಯಿಸುತ್ತಿದ್ದವರ ಮೇಲೆ ಅಪರಿಚಿತ ವಾಹನ ಹರಿದ ಪರಿಣಾಮ ಸ್ಥಳದಲ್ಲೇ ನಾಲ್ವರು ಮೃತಪಟ್ಟಿರುವ ದಾರುಣ ಘಟನೆ ರಾಷ್ಟ್ರೀಯ ಹೆದ್ದಾರಿ 218ರ ಬಾಡಗಂಡಿ ಬಳಿ ನಡೆದಿದೆ.
ಬೀಳಗಿ ಪಟ್ಟಣದ ರಾಮಸ್ವಾಮಿ, ರಝಾಕ್ ಸಾಬ್, ಮಲ್ಲಪ್ಪ ಹಾಗೂ ನಾಸೀರ್ ಮೃತಪಟ್ಟವರು.

ಹುಬ್ಬಳ್ಳಿ-ಸೋಲ್ಹಾಪೂರ ರಾಷ್ಟ್ರೀಯ ಹೆದ್ದಾರಿ 208ರಲ್ಲಿ ನಿನ್ನೆ ಮಧ್ಯರಾತ್ರಿ 11ರ ವೇಳೆ ನಿಂತಿದ್ದ ಕ್ಯಾಂಟರ್ ಗೆ ವಾಹನ ಡಿಕ್ಕಿ ಹೊಡೆದ ಪರಿಣಾಮ ಈ ಅಪಘಾತ ಸಂಭವಿಸಿದೆ.

ಪಂಚರ್ ಆದ ಹಿನ್ನೆಲೆ ರಸ್ತೆ ಪಕ್ಕಕ್ಕೆ ಕ್ಯಾಂಟರ್ ನಿಲ್ಲಿಸಿ ಚಕ್ರ ಬದಲಾಯಿಸುವ ವೇಳೆ ವಾಹನವೊಂದು ಡಿಕ್ಕಿ ಹೊಡೆದಿದೆ. ಸ್ಥಳಕ್ಕೆ ಬೀಳಗಿ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿ ಪ್ರಕರಣ ದಾಖಲಿಸಿ, ಅಪಘಾತ ನಡೆಸಿ ಪರಾರಿಯಾಗಿರುವ ವಾಹನ ಚಾಲಕನಿಗೆ ಶೋಧ ನಡೆಸಲಾಗಿದೆ.