ಪ್ರಧಾನಿ ಪಟ್ಟದಿಂದ ಕೆಳಗಿಳಿದರೂ ಸೀಟಿನ ಮೇಲೆ ವ್ಯಾಮೋಹ; ವೈರಲ್ ಆಯ್ತು ನೆತನ್ಯಾಹು ‘ಆಸನ’ ಪ್ರಹಸನ!

Prasthutha|

ಇಸ್ರೇಲ್: ಅಧಿಕಾರ ಕಳೆದುಕೊಂಡು ಪ್ರಧಾನ ಮಂತ್ರಿ ಪಟ್ಟದಿಂದ ಕೆಳಗಿಳಿದರೂ ಮಾಜಿ ಪ್ರಧಾನಿ ಬೆಂಜಮಿನ್ ನೆತನ್ಯಾಹು, ಪ್ರಧಾನಿ ಅವರಿಗೆ ಮೀಸಲಿರಿಸಿದ ಸೀಟಿನಲ್ಲಿ ಕೂರುವ ಮೂಲಕ ಅಚ್ಚರಿಗೆ ಕಾರಣರಾದರು.

- Advertisement -

ತಕ್ಷಣವೇ ಅವರ ಆಪ್ತರೊಬ್ಬರು ಅವರ ಬಳಿಗೆ ಬಂದು ಪ್ರಮಾದದ ಬಗ್ಗೆ ತಿಳಿಸಿದ್ದಾರೆ. ತಕ್ಷಣವೇ ಎದ್ದು ಹೋದ ನೆತನ್ಯಾಹು ಬಳಿಕ ತನಗೆ ಮೀಸಲಿರಿಸಿದ್ದ ವಿಪಕ್ಷ ನಾಯಕರ ಆಸನದಲ್ಲಿ ಆಸೀನರಾದರು.

ಸದ್ಯ ಈ ಕುರಿತ ವೀಡಿಯೋ ಟ್ವಿಟ್ಟರ್ ನಲ್ಲಿ Bloomberg Quicktake ಪ್ರಕಟಿಸಿದ್ದು ವೈರಲ್ ಆಗಿದೆ. ನೂತನ ಸರಕಾರದ ಪ್ರಧಾನ ಮಂತ್ರಿಯಾಗಿ ಆಯ್ಕೆಯಾಗಿರುವ ನಫ್ತಾಲಿ ಬೆನೆಟ್ ಅವರ ಅಧಿಕಾರ ಸ್ವೀಕರಿಸುವ ಸಮಯದಲ್ಲಿ ಅಲ್ಲಿನ ಸಂಸತ್ ಭವನದಲ್ಲಿ ನಡೆದಿದ್ದಾಗಿ ವರದಿಯಾಗಿದೆ.

- Advertisement -

ಕಳೆದ ಭಾನುವಾರ ನಡೆದ ವಿಶ್ವಾಸಮತ ಯಾಚನೆ ಮೂಲಕ ಬೆಂಜಮಿನ್ ನೆತನ್ಯಾಹು ಅವರನ್ನ ಪದಚ್ಯುತಗೊಳಿಸುವುದರೊಂದಿಗೆ 12 ವರುಷಗಳ ನೆತನ್ಯಾಹು ಆಡಳಿತ ಅಂತ್ಯ ಕಂಡಿತ್ತು.  

Join Whatsapp