ರಾಯಚೂರು ವಿಮಾನ ನಿಲ್ದಾಣಕ್ಕೆ ಅಂಬೇಡ್ಕರ್ ಹೆಸರಿಡಲು ಒತ್ತಾಯ

Prasthutha: June 18, 2021

ರಾಯಚೂರು ಜೂನ್ 18 : ರಾಯಚೂರು ವಿಮಾನ ನಿಲ್ದಾಣ ಏಗನೂರು ಗ್ರಾಮದ ಹೆಚ್ಚು ಭೂಮಿಯನ್ನು ಸ್ವಾಧೀನಪಡಿಸಿದೆ. ಇದರಿಂದಾಗಿ ವಿಮಾನ ನಿಲ್ದಾಣದ ದಾಖಲಾತಿಗಳಲ್ಲಿ ಏಗನೂರು ಗ್ರಾಮ ಹೆಸರನ್ನು ಉಲ್ಲೇಖಿಸಬೇಕು, ಮಾತ್ರವಲ್ಲ ಈ ವಿಮಾನ ನಿಲ್ದಾಣಕ್ಕೆ ಡಾ. ಬಿ ಆರ್ ಅಂಬೇಡ್ಕರ್ ಹೆಸರು ನಾಮಕರಣ ಮಾಡಬೇಕೆಂದು ಆಗ್ರಹಿಸಿ ಕರ್ನಾಟಕ ದಲಿತ ಸಂಘರ್ಷ ಮುಖಂಡರು ಒತ್ತಾಯಿಸಿದರು. ವಿಮಾನ ನಿಲ್ದಾಣ ದಾಖಲೆಯ ಪ್ರಕಾರ ಮತ್ತು ನೀಲಿ ನಕಾಶೆಯ ಪ್ರಕಾರ ಸದರಿ ದಾಖಲಾತಿಗಳಲ್ಲಿ ಏಗನೂರು ಗ್ರಾಮದ ಹೆಸರು ಎಂದು ಅಧಿಕೃತವಾಗಿ ಘೋಷಣೆ ಮಾಡಿ ನಮೂದಿಸಬೇಕು ಎಂದು ಒತ್ತಾಯಿಸಿದರು .


ನಗರಸಭೆಯ ಕೆಲವು ರಾಜಕಾರಣಿಗಳು ನಗರಸಭೆಯ ಸಾಮಾನ್ಯ ಸಭೆಯಲ್ಲಿ ಯರಮರಸ್ ದಂಡು ವಿಮಾನ ವಿಮಾನ ನಿಲ್ದಾಣವೆಂದು ಮತ್ತು ಈ ವಿಮಾನ ನಿಲ್ದಾಣಕ್ಕೆ ಶ್ರೀ ರಾಘವೇಂದ್ರ ಸ್ವಾಮೀಜಿ ಹೆಸರನ್ನು ನಾಮಕರಣ ನಿರ್ಣಯವನ್ನು ಮಾಡಿರುವುದು ಖಂಡನೀಯ. ಭಾರತ ದೇಶವು ಸರ್ವಜನಾಂಗದ ಶಾಂತೀಯ ತೋಟ. ಅನೇಕ ಜಾತಿಗಳು, ಭಾಷೆಗಳಿಂದ ಕೂಡಿ ಏಕೈಕ ಪ್ರಜಾಪಭುತ್ವ ರಾಷ್ಟ್ರವಾಗಿದೆ. ಇಂತಹ ಪ್ರಬುದ್ದ ಭಾರತದಲ್ಲಿ ಕೇವಲ ಸವರ್ಣೀಯ ಸ್ವಾಮಿಗಳ ಹೆಸರನ್ನು ಸೂಚಿಸಿರುವುದು ಈ ಸಂವಿಧಾನ ಆಶಯಗಳಿಗೆ ವಿರುದ್ದ ಎಂದು ದೂರಿದರು. ಈ ಸಂದರ್ಭದಲ್ಲಿ ದಲಿತ ಸಂಘಟನೆಯ ಕಾರ್ಯಕರ್ತರು ಉಪಸ್ಥಿತರಿದ್ದರು

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!