ಹೊಸದಿಲ್ಲಿ: ಮೊದಲ ಹಂತದ ಬಿಹಾರ ವಿಧಾನ ಸಭಾ ಚುನಾವಣೆಗೆ ನಾಮನಿರ್ದೇಶನ ಪ್ರಕ್ರಿಯೆಯು ಕೊನೆಗೊಂಡಿದ್ದು, ಚುನಾವಣಾ ಕಣದಲ್ಲಿ ಅಪರಾಧ ಹಿನ್ನೆಲೆಯ ಮುಖಗಳು ಮತ್ತೆ ಕಂಡುಬಂದಿದೆ.

243 ಕ್ಷೇತ್ರಗಳಲ್ಲಿ ಅ.28ರಂದು ಮೊದಲನೆ ಹಂತದಲ್ಲಿ 72 ಸೀಟುಗಳಿಗೆ ಚುನಾವಣೆ ನಡೆಯಲಿದ್ದು, ಅವುಗಳಲ್ಲಿ 11 ರೌಡಿಗಳು ಅಥವಾ ಅವರ ಪತ್ನಿಯರ ಟಿಕೆಟ್ ಪಡೆದಿದ್ದಾರೆ. ಅವುಗಳಲ್ಲಿ ಹೆಚ್ಚಿನವರು ಆರ್.ಜೆ.ಡಿ ಅಥವಾ ಜೆಡಿಯುವಿನಿಂದ ನಾಮನಿರ್ದೇಶಿತರಾಗಿದ್ದಾರೆ.

7 ಹತ್ಯೆ ಆರೋಪ ಹೊಂದಿರುವ ಅನಂತ್ ಸಿಂಗ್, ಹಿಂದೊಮ್ಮೆ ಎನ್.ಐ.ಎ ತನಿಖೆಯನ್ನು ಎದುರಿಸಿದ್ದ ಸುನಿಲ್ ಪಾಂಡೆ ಅವರಲ್ಲಿ ಒಳಗೊಂಡಿದ್ದಾರೆ.

ಛೋಟೆ ಸರ್ಕಾರ್ ಎಂದೇ ಖ್ಯಾತರಾಗಿರುವ ಅನಂತ್ ಸಿಂಗ್ ಮೊಕಾಮಾ ಸೀಟಿನಿಂದ ಆರ್.ಜೆ.ಡಿ ಪರ ಸ್ಪರ್ಧಿಸುತ್ತಿದ್ದಾರೆ. ಮನೆಯಲ್ಲಿ ಎ.ಕೆ.47 ಬಂದೂಕು ಮತ್ತು ಸ್ಫೋಟಕಗಳನ್ನು ಹೊಂದಿರುವ ಆರೋಪಕ್ಕಾಗಿ ಜೈಲಿನಲ್ಲಿದ್ದರು. 38 ಅಪರಾಧ ಪ್ರಕರಣಗಳಲ್ಲಿ ಸಿಂಗ್ ಆರೋಪಿಯಾಗಿದ್ದಾರೆ. ಅವುಗಳಲ್ಲಿ 7 ಕೊಲೆ ಆರೋಪಗಳನ್ನೊಳಗೊಂಡಂತೆ ಅಪಹರಣ, ಕೊಲೆ ಯತ್ನ ಪ್ರಕರಣಗಳೂ ಇವೆ.