ತನಿಶ್ಕ್ ಜಾಹೀರಾತು ಪ್ರಕರಣ: ಬೆದರಿಸುವ ವರ್ತನೆಯ ವಿರುದ್ಧ ಕ್ರಮಕ್ಕೆ ಅಂತಾರಾಷ್ಟ್ರೀಯ ಜಾಹಿರಾತು ಅಸೋಸಿಯೇಶನ್ ಆಗ್ರಹ

Prasthutha: October 15, 2020

ಹಿಂದೂ-ಮುಸ್ಲಿಂ ಕುಟುಂಬವೊಂದು ಸೀಮಂತಕ್ಕೆ ಸಿದ್ಧಗೊಳ್ಳುವ ಜಾಹೀರಾತಿಗೆ ಸಂಬಂಧಿಸಿದಂತೆ ತನಿಶ್ಕ್ ಆಭರಣ ಬ್ರಾಂಡನ್ನು ಗುರಿಪಡಿಸಲಾಗಿರುವುದನ್ನು  ಭಾರತದ ಎರಡು ಪ್ರಮುಖ ಜಾಹೀರಾತು ಮಂಡಳಿಗಳು ಖಂಡಿಸಿವೆ.

ಮಂಗಳವಾರದಂದು ಸಾಮಾಜಿಕ ಜಾಲತಾಣಗಳಲ್ಲಿ ಹಿಂದುತ್ವ ಬೆಂಬಲಿಗರಿಂದ ತೀವ್ರ ಟೀಕೆಗೆ ಗುರಿಯಾದ ಬಳಿಕ ಜಾಹೀರಾತನ್ನು ಹಿಂದೆಗೆಯಲಾಗಿತ್ತು.

ಜಾಹೀರಾತಿನ ಹಿಂದೆಗೆಯುವಿಕೆಗೆ ಸಂಬಂಧಿಸಿದ ಘಟನೆಗಳನ್ನು “ಅತ್ಯಂತ ದುರದೃಷ್ಟ” ಎಂದು ಅಂತಾರಾಷ್ಟ್ರೀಯ ಜಾಹಿರಾತು ಅಸೋಸಿಯೇಶನ್ ನ ಭಾರತೀಯ ಘಟಕ ಹೇಳಿದೆ. ನರೇಂದ್ರ ಮೋದಿ ಸರಕಾರ ಇಂತಹ ‘ಬೆದರಿಸುವ ವರ್ತನೆ’ಯ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಅಸೋಸಿಯೇಶನ್ ಆಗ್ರಹಿಸಿದೆ.

ಜಾಹೀರಾತು ಯಾವುದೇ ವ್ಯಕ್ತಿ, ಸಂಘಟನೆ ಅಥವಾ ಧರ್ಮವನ್ನು ಮತ್ತು ರಾಷ್ಟ್ರೀಯ ಭಾವನೆಯನ್ನು ನಿಂದಿಸುವಂತಿರಲಿಲ್ಲ” ಎಂದು ಅಡ್ವರ್ಟೈಸ್ ಮೆಂಟ್ ಕ್ಲಬ್ ಬುಧವಾರದಂದು ಬಿಡುಗಡೆಗೊಳಿಸಿದ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. “ಸೃಜನಾತ್ಮಕ ಅಭಿವ್ಯಕ್ತಿಯೊಂದರ ಮೇಲೆ ಈ ರೀತಿಯ ದಾಳಿಯು ಆಧಾರ ರಹಿತ ಮತ್ತು ಅಸಂಬದ್ಧ” ಎಂದು ಹೇಳಿಕೆ ತಿಳಿಸಿದೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ