‘ಸಾಯುವಾಗ ರಮೇಶ್ ಜಾರಕಿಹೊಳಿ ಹೆಸರು ಬರೆದು ಸಾಯುತ್ತೇನೆ’ : ಸಿಡಿ ಲೇಡಿ ನಾಲ್ಕನೇ ವೀಡಿಯೋ ಬಹಿರಂಗ !

Prasthutha: March 27, 2021

► ಹಣ ಬಲದಲ್ಲಿ ಜಾರಕಿಹೊಳಿ ಏನೂ ಮಾಡಬಲ್ಲರು !
► ನಾಲ್ಕನೇ ವೀಡಿಯೋ ವೀಕ್ಷಿಸಿ

ಬೆಂಗಳೂರು : ಸಿಡಿ ಲೇಡಿ ಅಜ್ಞಾತ ಸ್ಥಳದಿಂದಲೇ ತನ್ನ ನಾಲ್ಕನೇ ವೀಡಿಯೋ ಬಿಡುಗಡೆಗೊಳಿಸಿದ್ದು, ಅದರಲ್ಲಿ ನೇರವಾಗಿ ರಮೇಶ್ ಜಾರಕಿಹೊಳಿ ಮೇಲೆ ವಾಗ್ದಾಳಿ ನಡೆಸಿದ್ದಾಳೆ. ಜಾರಕಿಹೊಳಿ ಅವರು ತಮ್ಮ ಹಣಬಲದಿಂದ ಏನನ್ನು ಬೇಕಾದರೂ ಮಾಡಬಹುದು.  ಸರ್ಕಾರವನ್ನೇ ಬೀಳಿಸಿದ್ದೇನೆ ಎಂದರೆ ಅದರರ್ಥವೇನು? ಈಗ ನನ್ನ ಮೇಲಾಗುತ್ತಿರುವ ಮಾನಸಿಕ ಹಿಂಸೆಗೆ ಸಾಯಬೇಕು ಅನ್ನಿಸುತ್ತಿದೆ. ಹಾಗೊಂದು ವೇಳೆ ಸಾಯುವಾಗ ರಮೇಶ್ ಜಾರಕಿಹೊಳಿ ಅವರ ಹೆಸರು ಬರೆದು ಸಾಯುತ್ತೇನೆ ಎಂದು ಆಕೆ ತನ್ನ ವೀಡಿಯೋದಲ್ಲಿ ಹೇಳಿದ್ದಾಳೆ.

ಹೊಸ ವೀಡಿಯೋದಲ್ಲಿ ಸಿಡಿ ಗ್ಯಾಂಗಿನ ಆರೋಪಿತ ನರೇಶ್ ಹೆಸರನ್ನು ಪ್ರಸ್ತಾಪಿಸಿದ್ದು, ಅವನ ಜೊತೆಗೆ ಕಾಂಗ್ರೆಸ್ ನಾಯಕರಾಗಿರುವ ಸಿದ್ದರಾಮಯ್ಯ ಮತ್ತು ಡಿಕೆಶಿಯವರ ಬಳಿ ಹೋಗಿ ಮಾತನಾಡುವ ಕುರಿತು ಹೇಳಿದ್ದಾಳೆ. ಘಟನೆ ದೊಡ್ಡ ವಿಚಾರವಾಗಿದೆ, ಹೀಗಾಗಿ ಸಮಸ್ಯೆ ಪರಿಹಾರಕ್ಕಾಗಿ ರಾಜಕೀಯ ನಾಯಕರ ಬೆಂಬಲ ಬೇಕಾಗುತ್ತದೆ ಎಂದು ಆಕೆಯ ಗೆಳೆಯ ನರೇಶ್ ಹೇಳಿದ್ದ ಎಂದು ಯುವತಿ ಹೇಳಿದ್ದಾಳೆ. ಆದರೆ ಈ ನಾಯಕರನ್ನು ಭೇಟಿಯಾಗಿರುವ ಬಗ್ಗೆ ಮಾತ್ರ ವೀಡಿಯೋದಲ್ಲಿ ಉಲ್ಲೇಖಿಸಿಲ್ಲ.

ನಾನು ಎಸ್ ಐ ಟಿ ಮುಂದೆ ಹಾಜರಾಗಬೇಕೆಂದಿದ್ದರೆ ನನ್ನ ಕುಟುಂಬದವರಿಗೆ ರಕ್ಷಣೆ ನೀಡಬೇಕು. ನಾನು ತನಿಖಾಧಿಕಾರಿಗಳ ಮುಂದೆ ಹಾಜರಾಗಿ ಹೇಳಿಕೆ ನೀಡಬೇಕೆಂದರೆ ನನ್ನ ತಂದೆ, ತಾಯಿ, ನನ್ನ ತಮ್ಮಂದಿರು ಮತ್ತು ಅಜ್ಜಿ ನನ್ನ ಮುಂದೆ ಇರಲೇಬೇಕು ಎಂದು ತನ್ನ ವೀಡಿಯೋದಲ್ಲಿ ಹೇಳಿದ್ದಾಳೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!