ಕೆನಡಾದಲ್ಲಿ ಭಾರತದ ವಿವಾದಾತ್ಮಕ ಕಾನೂನುಗಳ ಪ್ರತಿ ಸುಟ್ಟು ಹಾಕಿದ ಅನಿವಾಸಿ ಭಾರತೀಯರು

Prasthutha|

ನವದೆಹಲಿ : ಅಮೆರಿಕದ ನಾಗರಿಕ ಹಕ್ಕುಗಳ ಚಳವಳಿಯ ನಾಯಕ ಮಾರ್ಟಿನ್ ಲೂಥರ್ ಕಿಂಗ್ ಜೂನಿಯರ್ 92ನೇ ಜನ್ಮದಿನದ ಹಿನ್ನೆಲೆಯಲ್ಲಿ, ಕೆನಡಾದ ಸುರ್ರೆಯ ಭಾರತೀಯ ಪಾಸ್ ಪೋರ್ಟ್ ಮತ್ತು ವೀಸಾ ಕಚೇರಿ ಮುಂದೆ ಗುಂಪೊಂದು ಭಾರತದ ವಿವಾದಾತ್ಮಕ ಕಾನೂನುಗಳನ್ನು ಸುಟ್ಟು ಹಾಕಿದ ಘಟನೆ ನಡೆದಿದೆ.

- Advertisement -

ನೂತನ ಕೃಷಿ ಕಾನೂನು, ಪೌರತ್ವ ತಿದ್ದುಪಡಿ ಕಾಯ್ದೆ (ಸಿಎಎ) ಮತ್ತು ಕಾನೂನು ಬಾಹಿರ ಚಟುವಟಿಕೆಗಳ ತಡೆ ಕಾಯ್ದೆ (ಯುಎಪಿಎ) ಮುಂತಾದ ವಿವಾದಾತ್ಮಕ ಕಾನೂನುಗಳ ಪ್ರತಿಗಳನ್ನು ಸುಡಲಾಗಿದೆ. ಬಹುತ್ವ ಭಾರತದ ವಿದೇಶಿ ಭಾರತೀಯರು ಸಂಘಟನೆಯ ಸದಸ್ಯರು ಈ ಪ್ರತಿಭಟನೆ ಹಮ್ಮಿಕೊಂಡಿದ್ದರು.

ಜನಾಂಗೀಯ ಭೇದದ ವಿರುದ್ಧ ಹೋರಾಡುವ ವೇಳೆ ಮಾರ್ಟಿನ್ ಲೂಥರ್ ಕಿಂಗ್ ಜೂನಿಯರ್ ಅನ್ಯಾಯದ ಕಾನೂನುಗಳನ್ನು ವಿರೋಧಿಸಿದ್ದುದರಿಂದ, ಅವರ ಜನ್ಮದಿನದ ಹಿನ್ನೆಲೆಯಲ್ಲಿ ಈ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿತ್ತು.

Join Whatsapp