ತಮಿಳುನಾಡು: ಮದುವೆಯ ವೇಳೆ ವಧು ಮತ್ತು ವರ ಜೀವಂತ ಹಾವುಗಳನ್ನೇ ಹಾರವನ್ನಾಗಿ ಪರಸ್ಪರ ಬದಲಿಸಿಕೊಂಡ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕ ವೈರಲ್ ಆಗಿದೆ.

ವರ ದೊಡ್ಡ ಹೆಬ್ಬಾವನ್ನು ತಂದು ಕೊರಳಿಗೆ ಹಾಕಿದರೂ ಭಯಪಡದೇ ಹಾರವನ್ನಾಗಿ ವಧು ಸ್ವೀಕರಿಸಿದ್ದಾಳೆ. ಇದಾದ ಬಳಿಕ ವಧು ಕೂಡ ನಾಗರಹಾವನ್ನು ವರನ ಕೊರಳಿಗೆ ಹಾಕಿದ್ದಾಳೆ. ವಧು- ವರರಿಬ್ಬರೂ ಯಾವ ಭಯವಿಲ್ಲದೇ, ಹಾವನ್ನು ಹಾರದಂತೆ ಬದಲಿಸಿಕೊಂಡಿದ್ದನ್ನು ನೂರಾರು ಜನರು ಸುತ್ತಲೂ ನಿಂತುಕೊಂಡು ನೋಡಿದ್ದಾರೆ.

ಹಾವನ್ನು ಹಾರವಾಗಿ ಬದಲಿಸಿಕೊಂಡು ವಿವಾಹವಾದ ವಧು-ವರರು ಅರಣ್ಯ ಇಲಾಖೆಯ ನೌಕರರಾಗಿದ್ದಾರೆ. ಮದುವೆಯಲ್ಲಿ ಹಾವುಗಳನ್ನು ಬದಲಿಸಿಕೊಂಡ ಬಳಿಕ ಅವುಗಳನ್ನು ಮತ್ತೆ ಕಾಡಿಗೆ ಬಿಡಲಾಗಿದೆ ಎಂದು ತಿಳಿದು ಬಂದಿದೆ.