ದಕ್ಷಿಣ ಆಫ್ರಿಕಾ: ದಕ್ಷಿಣ ಆಫ್ರಿಕಾದ ಡಾಮೋನ್ ಗಾಲ್ಗಟ್ ಅವರು ಬರೆದ ‘ದಿ ಪ್ರಾಮಿಸ್’ ಕಾದಂಬರಿಯು ಈ ಬಾರಿಯ ಬೂಕರ್ ಪ್ರಶಸ್ತಿಗೆ ಬಾಜನವಾಗಿದೆ. ದಕ್ಷಿಣ ಆಫ್ರಿಕಾದಿಂದ ಬೂಕರ್ ಗೆದ್ದ ಮೂರನೆಯ ವ್ಯಕ್ತಿಯಾಗಿದ್ದಾರೆ ಗಾಲ್ಗಟ್. ಈ ಪ್ರಶಸ್ತಿಯು 50,000 ಪೌಂಡು ಎಂದರೆ 50,00,000 ರೂಪಾಯಿ ನಗದು ಬಹುಮಾನವನ್ನು ಹೊಂದಿದೆ.

ಸಲೋಮ್ ಎಂಬ ಕರಿಯ ಮನೆಗೆಲಸದಾಕೆಗೆ ಬಿಳಿ ವರ್ಣದ ಮಾಲೀಕ ಕುಟುಂಬವು ಅಲ್ಲಿನ ಜಾಗದ ಸಹಿತ ಆಕೆ ವಾಸ ಇರುವ ಮನೆಯನ್ನು ಮುಂದೆ ಬರೆದು ಕೊಡುವುದಾಗಿ ಆಶ್ವಾಸನೆ ನೀಡಿರುತ್ತದೆ.
ಸ್ವಾರ್ತ್ ಕುಟುಂಬವು ಹಂಚಿ ಹೋಗುತ್ತದೆ; ಕರಿಯ ಮಹಿಳೆಗೆ ನೀಡಿದ ಆಶ್ವಾಸನೆ ಈಡೇರುವುದಿಲ್ಲ. ಒಂದು ವಿಶೇಷ ಸನ್ನಿವೇಶದಲ್ಲಿ ಮೂವರು ಒಡಹುಟ್ಟಿದವರು ಒಂದಾಗುತ್ತಾರೆ ಎಂದು ಈ ಕಾದಂಬರಿಯು ನಾಲ್ಕು ದಶಕದ ಕತೆಯನ್ನು ಹೊಂದಿದೆ.

ದ ಪ್ರಾಮಿಸ್ ಇದು ಗಾಲ್ಗಟ್ ರ ಒಂಬತ್ತನೆಯ ಕಾದಂಬರಿಯಾಗಿದೆ. ಎಂಟನೆಯ ಕಾದಂಬರಿಯ ಒಂಬತ್ತು ವರುಷಗಳ ಬಳಿಕ ಇದನ್ನು ಹೊರಲಾಗಿದೆ. ಕಾದಂಬರಿಯಲ್ಲಿ ಬಂದ ಪಾತ್ರಗಳು ನಾನು ಬೆಳೆದ ವಾತಾವರಣದಲ್ಲಿಯೇ ಕಂಡುದಾಗಿದೆ ಎಂದು ಲೇಖಕರು ಒಂದು ಸಂದರ್ಶನದಲ್ಲಿ ಹೇಳಿದ್ದಾರೆ.

“ನಾನು ಪ್ರಿಟೋರಿಯಾದಲ್ಲಿ ಬೆಳೆಯುವಾಗ ಸ್ವಾರ್ತ್ ಕುಟುಂಬದಂಥ ಸಮ್ಮಿಲನಗಳನ್ನು ನೋಡಿದ್ದೇನೆ. ಅವರು ಬ್ರಿಟಿಷ್ ಮತ್ತು ಆಫ್ರಿಕಾ ಸಂಕರರಾಗಿದ್ದು ಅವರ ಆಚಾರ ವಿಚಾರಗಳಲ್ಲಿಯೂ ಆ ಸಮ್ಮಿಶ್ರಣ ಇತ್ತು. ಇದು ವಸಾಹತುಶಾಹಿ ಪ್ರದೇಶಗಳಲ್ಲಿ ಅಪರೂಪವಲ್ಲ. ಆದರೆ ಅವರು ಈಗ ಯಾವ ರೀತಿಯ ಜೀವನ ಸಾಗಿಸುತ್ತಿದ್ದಾರೆ ಎನ್ನುವುದು ಕತೆಯ ತಿರುಳು. ಕಾದಂಬರಿಯಲ್ಲಿ ನಾಲ್ಕು ಶವ ಯಾತ್ರೆಗಳು ನಡೆಯುತ್ತವೆ; ನಾಲ್ಕೂ ದಶಕಗಳ ಅಂತರದಲ್ಲಿ ನಾಲ್ಕು ದಶಕಗಳಲ್ಲಿ ನಡೆಯುತ್ತದೆ. ಹೆಚ್ಚಿನ ಸನ್ನಿವೇಶಗಳು ಬದುಕಿನ ಬದಲಾವಣೆ ಮತ್ತು ದೇಶವೂ ಬದಲಾವಣೆ ಕಾಣುತ್ತಿರುವುದರ ಮೇಲೆ ನಿಂತಿದೆ” ಎಂದು ಗಾಲ್ಗಟ್ ಹೇಳುತ್ತಾರೆ.

ಗಾಲ್ಗಟ್ ರ ಕಾದಂಬರಿಗಳು 2003, 2010ರಲ್ಲೂ ಬೂಕರ್ ಪಟ್ಟಿಯಲ್ಲಿ ಇದ್ದವು. ಆಗ ಸಿಗದ್ದು ಈ ಬಾರಿ ಸಿಕ್ಕಿದೆ.