ಫ್ರೆಂಚ್: ನಟಿ ಹಾಗೂ ಫ್ರೆಂಚ್ ಮಾಡೆಲ್ ಮರೀನ್ ಎಲ್ ಹಿಮರ್ ಇಸ್ಲಾಂ ಧರ್ಮ ಸ್ವೀಕರಿಸಿದ್ದು, ಇದು ತನ್ನ ಜೀವನದ ಅತ್ಯಂತ ‘ಸಂತೋಷದ ದಿನ’ ಎಂದು ಹೇಳಿದ್ದಾರೆ.

ಮರೀನ್ ಎಲ್ ಹಿಮರ್ ಫ್ರಾನ್ಸ್‌ ನ ರಿಯಾಲಿಟಿ ಟೆಲಿವಿಷನ್ ಶೋ ಲೆಸ್ ಪ್ರಿನ್ಸೆಸ್ ಎಟ್ ಲೆಸ್ ಪ್ರಿನ್ಸೆಸ್ ಡಿ ಎಲ್ ಅಮೌರ್ (ಪ್ರೀತಿಯ ರಾಜಕುಮಾರರು ಮತ್ತು ರಾಜಕುಮಾರಿಯರು) ನಲ್ಲಿ ನಟಿಸಿದ್ದಾರೆ. ಇಸ್ಲಾಂ ಸ್ವೀಕಾರವು “ಆತ್ಮ, ಹೃದಯ ಆಯ್ಕೆಯಾಗಿದೆ” ಎಂದು ಹೇಳಿದ್ದಾರೆ.

ಹಿಮರ್ ಅವರು ಇಸ್ಲಾಂ ಧರ್ಮ ಸ್ವೀಕರಿಸಿದ ಎರಡು ದಿನಗಳ ನಂತರ, ಶನಿವಾರ ಇಸ್ಲಾಂನ ಅತ್ಯಂತ ಪವಿತ್ರ ಸ್ಥಳವಾದ ಕಾಬಾದ ಸಮೀಪದಲ್ಲಿ ಹಿಜಾಬ್ ಧರಿಸಿರುವ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.