ರಿಯಾದ್: ಅತ್ಯಂತ ವೇಗವಾಗಿ ಹರಡುತ್ತಿರುವ ರೂಪಂತರಿ ಓಮಿಕ್ರಾನ್ ಭೀತಿಯ ಹಿನ್ನೆಲೆಯಲ್ಲಿ ಯುಎಇ ಪ್ರಾಧಿಕಾರ ನೂತನ ಮಾರ್ಗಸೂಚಿಯನ್ವಯ ಸೋಮವಾರದಿಂದ ಎಲ್ಲಾ ವಿಧದ ಸಾಮಾಜಿಕ ಕಾರ್ಯಕ್ರಮಗಳಿಗೆ ನಿರ್ಬಂಧ ಹೇರಿರುವುದಾಗಿ ಮಾಧ್ಯಮಗಳು ವರದಿ ಮಾಡಿವೆ.

ಅಬುಧಾಬಿ ತುರ್ತುಪರಿಸ್ಥಿತಿ ಬಿಕ್ಕಟ್ಟು ಮತ್ತು ವಿಪತ್ತು ನಿರ್ವಹಣಾ ಸಮಿತಿಯು “ ಸಾಮಾಜಿಕ ಕಾರ್ಯಕ್ರಮಗಳಾದ ಮದುವೆ, ಅಂತ್ಯಕ್ರಿಯೆ ಮತ್ತು ಕುಟುಂಬ ಸಮ್ಮಿಲನಗಳ ಮೇಲೆ ಶೇಕಡಾ 60 ರಷ್ಟು ನಿರ್ಬಂಧ ವಿಧಿಸಿರುವುದಾಗಿ ತಿಳಿಸಿದೆ.

ನೂತನ ಮಾರ್ಗಸೂಚಿಯ ಪ್ರಕಾರ ಒಳಾಂಗಣ ಕಾರ್ಯಕ್ರಮಗಳಿಗೆ 50 ಮಂದಿ, ಹೊರಾಂಗಣ ಮತ್ತು ಬಯಲು ಕಾರ್ಯಕ್ರಮಗಳಿಗೆ 150 ಮಂದಿಯನ್ನು ಮೀರದಂತೆ ಅನುಮತಿ ನೀಡಲಾಗಿದೆ.

ಮಾತ್ರವಲ್ಲ ಸಾಮಾಜಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವವರು ಆನ್ ಲೈನ್ ಆ್ಯಪ್ ಮೂಲಕ ಕಡ್ಡಾಯವಾಗಿ ನೋಂದಣಿ ಮಾಡಿರಬೇಕು. 48 ಗಂಟೆಗಳ ಮೊದಲು ನೆಗೆಟಿವ್ RTPCR ವರದಿ ಸಲ್ಲಿಸಬೇಕು ಮತ್ತು ಸಾಮಾಜಿಕ ಅಂತರ ಕಾಪಾಡುವಂತೆ ಮಾರ್ಗಸೂಚಿಯಲ್ಲಿ ಆದೇಶಿಸಿದೆ.