►ಕೋವಿಡ್ ವಿರುದ್ಧದ ಹೋರಾಟದಲ್ಲಿ ಜವಾಬ್ದಾರಿಯುತ ಪ್ರಜೆಯೆಂದರೆ ಹೀಗಿರಬೇಕೆಂದ ನೆಟ್ಟಿಗರು!
ಬೀಜಿಂಗ್: ಕೋವಿಡ್ ಸೋಂಕಿನ ರಕ್ಷಣೆಗಾಗಿ ಜಗತ್ತಿನಾದ್ಯಂತ ಎಲ್ಲರೂ ಎಚ್ಚರಿಕೆಯಿಂದ ಇರುತ್ತಾರೆ. ಮಾಸ್ಕ್ ಗಳು, ಸ್ಯಾನಿಟೈಸರ್ ಗಳು ಮತ್ತು ಸಾಮಾಜಿಕ ಅಂತರವು ಕೋವಿಡ್ ರಕ್ಷಣೆಯ ಪ್ರಮುಖ ಅಸ್ತ್ರಗಳಾಗಿವೆ.
ಮಾಲ್ ಗಳು ಮತ್ತು ಉದ್ಯಾನವನಗಳನ್ನು ಪ್ರವೇಶಿಸಬೇಕಾದರೆ, ನಿಮ್ಮ ದೇಹದ ಉಷ್ಣತೆಯನ್ನೂ ಕೂಡ ಪರಿಶೀಲಿಸುತ್ತಾರೆ. ಕೋವಿಡ್ ಅವಧಿಯಲ್ಲಿ ಈ ದೃಶ್ಯಗಳು ಹೊಸತೇನೂ ಅಲ್ಲ. ಇದು ಮಾನವ ಜೀವನದ ಭಾಗವಾಗಿ ಬದಲಾಯಿತು. ಮಕ್ಕಳು ಕೂಡ ಹೊಸ ವಿಧಾನಗಳಿಗೆ ಬೇಗನೆ ಒಗ್ಗಿಕೊಳ್ಳುತ್ತಾರೆ. ಅಂತಹದೊಂದು ವಿಡಿಯೋ ಈಗ ವೈರಲ್ ಆಗಿದೆ.
ಗೊಂಬೆಯೊಂದಿಗೆ ಬಂದ ಮಗುವೊಂದು ಭದ್ರತಾ ಸಿಬ್ಬಂದಿಯ ಬಳಿ ಮೊದಲು ತನ್ನ ದೇಹದ ಉಷ್ಣತೆಯನ್ನು ಪರೀಕ್ಷಿಸಲು ಕೈಯೊಡ್ಡುತ್ತಾ ನಂತರ ತನ್ನ ಗೊಂಬೆಯನ್ನು ಪರೀಕ್ಷಿಸಲು ಹೇಳುತ್ತಾಳೆ. ಸೆಕ್ಯೂರಿಟಿ ಗಾರ್ಡ್ ನಗು ಮುಖದಿಂದ ಮಗುವಿನ ಜೊತೆ ಗೊಂಬೆಯನ್ನೂ ಕೂಡಾ ಪರೀಕ್ಷಿಸಿ ಕಳುಹಿಸಿಕೊಡುತ್ತಾನೆ.
ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲಾಗಿದ್ದು, ಒಬ್ಬ ಜವಾಬ್ದಾರಿಯುತ ಪ್ರಜೆ ಹೀಗಿರಬೇಕು ಎಂದು ಹಲವರು ಪ್ರಶಂಸಿದ್ದಾರೆ.
