ಫ್ರೆಂಚ್ ಉತ್ಪಾದನೆಗಳಿಗೆ ಮೇಲಿನ ಬಹಿಷ್ಕಾರವನ್ನು ನಿಲ್ಲಿಸುವಂತೆ ಅರಬ್ ರಾಷ್ಟ್ರಗಳಿಗೆ ಫ್ರಾನ್ಸ್ ಕರೆಕೊಟ್ಟಿದೆ. ಅದೇ ವೇಳೆ, ಇಸ್ಲಾಮಿಕ್ ಮೂಲಭೂತವಾದದ ವಿರುದ್ಧ ತಾನು ಮಂಡಿಯೂರುವುದಿಲ್ಲ ಎಂದು ಅವರು ಹೇಳಿದ್ದಾರೆ.
ಅಧ್ಯಕ್ಷ ಇಮ್ಯಾನುಯಲ್ ಮ್ಯಾಕ್ರನ್ ಇಸ್ಲಾಮಿಸ್ಟ್ ಗಳನ್ನು ಟೀಕಿಸಿದ ನಂತರ ಮತ್ತು ಪ್ರವಾದಿ ಮುಹಮ್ಮದ್ ರ ವ್ಯಂಗ್ಯ ಚಿತ್ರವನ್ನು ಪ್ರಕಟಿಸುವುದನ್ನು ಮುಂದುವರಿಸಲು ತೀರ್ಮಾನಿಸಿದ ಬಳಿಕ ಫ್ರೆಂಚ್ ಉತ್ಪಾದನೆಗಳನ್ನು ಬಹಿಷ್ಕರಿಸುವಂತೆ ಅರಬ್ ಜಗತ್ತಿನಲ್ಲಿ ಒತ್ತಾಯ ಹೆಚ್ಚುತ್ತಿವೆ.
ಕುವೈಟ್ ನ ಸರಕಾರೇತರ ಯೂನಿಯನ್ ಆಫ್ ಕನ್ಸ್ಯೂಮರ್ ಕೊಒಪರೇಟೀವ್ ಸೊಸೈಟಿಗಳು ಹಲವು ಫ್ರೆಂಚ್ ಉತ್ಪಾದನೆಗಳನ್ನು ಸ್ಟೋರ್ ಗಳಿಂದ ಹಿಂದೆಗೆದಿತ್ತು. ತಾನು ಭೇಟಿ ನೀಡಿದ ಹಲವು ಸಹಕಾರಿ ಸೊಸೈಟಿಗಳು ತಮ್ಮ ಕಪಾಟುಗಳಲ್ಲಿದ್ದ ಫ್ರೆಂಚ್ ಉತ್ಪನ್ನಗಳನ್ನು ಖಾಲಿ ಮಾಡಿವೆ ಎಂದು ರಾಯ್ಟರ್ಸ್ ವರದಿ ಮಾಡಿದೆ.
“ಎಲ್ಲಾ ಕನ್ಸ್ಯೂಮರ್ ಕೊಆಪರೇಟೀವ್ ಸೊಸೈಟಿಗಳಿಂದ ಫ್ರೆಂಚ್ ಉತ್ಪನ್ನಗಳನ್ನು ತೆರವುಗೊಳಿಸಲಾಗಿದೆ” ಎಂದು ಫಹದ್ ಅಲ್ ಕಿಶ್ತಿಯ ಯೂನಿಯನ್ ಮುಖ್ಯಸ್ಥ ಹೇಳಿದ್ದಾರೆ. ಪ್ರವಾದಿಯವರ ವಿರುದ್ಧ ಮಾಡಲಾಗುತ್ತಿರುವ ಅವಮಾನಗಳ ಪುನರಾವರ್ತನೆಗೆ ಪ್ರತಿಕ್ರಿಯೆಯಾಗಿ ಕುವೈಟ್ ಸರಕಾರದ ಹೊರತಾಗಿ ಸ್ವತಂತ್ರವಾಗಿ ಈ ನಿರ್ಣಯ ಕೈಗೊಳ್ಳಲಾಗಿದೆ ಎಂದು ಅವರು ತಿಳಿಸಿದ್ದಾರೆ.
ಜೋರ್ಡಾನ್ ಮತ್ತು ಕತಾರ್ ಗಳಲ್ಲೂ ಇಂತದ್ದೇ ಬಹಿಷ್ಕಾರದ ಕರೆಗಳನ್ನು ನೀಡಲಾಗಿದೆ.
