ಮೆಲ್ಬರ್ನ್: ಲಸಿಕೆ ಹಾಕಿಸಿಕೊಳ್ಳದೇ ಆಸ್ಟ್ರೇಲಿಯಾ ಪ್ರವೇಶಿಸಿದ ಕಾರಣ ವೀಸಾ ರದ್ದುಗೊಂಡು ಸುದ್ದಿಯಾಗಿದ್ದ ಸರ್ಬಿಯಾದ ಟೆನಿಸ್ ಆಟಗಾರ ನೊವಾಕ್ ಜೊಕೊವಿಚ್ ಮತ್ತು ಅವರ ಪತ್ನಿ ಜೆಲಿನಾ ಕ್ವಾಂಟ್ ಬಯೋರೆಸ್ ಎಂಬ ವ್ಯಾಕ್ಸಿನ್ ಕಂಪೆನಿಯ ಶೇ 80 ರಷ್ಟು ಶೇರುಗಳ ಒಡೆಯರಾಗಿದ್ದಾರೆ.
2020 ರ ಜೂನ್ ನಲ್ಲಿಯೇ ಶೇರು ಖರೀದಿಸಿದ್ದರು ಎಂದು ಕ್ವಾಂಟ್ ಬಯೋರೆಸ್ ಕಂಪೆನಿಯು ಸ್ಪಷ್ಟೀಕರಣ ನೀಡಿದೆ. ಆದರೆ ಮೊತ್ತ ಎಷ್ಟು ಎಂಬ ಬಗ್ಗೆ ಮಾಹಿತಿ ನೀಡಲಿಲ್ಲ. ನೊವಾಕ್ ಶೇ 40.8 ಮತ್ತು ಅವರ ಪತ್ನಿ ಜೆಲಿನಾ 39.2 ರಷ್ಟು ಶೇರು ಹೊಂದಿದ್ದಾರೆ. ಈ ಕಂಪೆನಿಯು ಅಭಿವೃದ್ಧಿಪಡಿಸುತ್ತಿರುವ ಕೋವಿಡ್ ಲಸಿಕೆಯನ್ನು ಬ್ರಿಟನ್ ನಲ್ಲಿ ಪರಿಶೀಲನೆಗೆ ಒಳಪಡಿಸಲಾಗುತ್ತದೆ.
