ಕೋವಿಡ್ ಲಸಿಕೆ ಹಾಕಿಸಿಕೊಂಡವರಿಗೆ ನೀಡುವ ಪ್ರಮಾಣ ಪತ್ರದಲ್ಲೂ ಪ್ರಧಾನಿ ಮೋದಿಯವರ ಚಿತ್ರ ಪ್ರಕಟಿಸಿರುವುದಕ್ಕೆ ಆಕ್ರೋಶಗೊಂಡ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ” ಇನ್ನು ದೇಶದ ಹೆಸರನ್ನೂ ನರೇಂದ್ರ ಮೋದಿ ಎಂಬುದಾಗಿ ಬದಲಿಸುತ್ತಾರೆ, ಆ ದಿನಗಳು ತುಂಬಾ ದೂರವೇನೂ ಇಲ್ಲ ” ಎಂದು ಕಿಡಿಕಾಡಿದ್ದಾರೆ.
ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಅಂಗವಾಗಿ ಹಮ್ಮಿಕೊಂಡ ಕಾರ್ಯಕ್ರಮದಲ್ಲಿ ಮಾತಾಡಿದ ಮಮತಾ’ಕ್ರೀಡಾಂಗಣಕ್ಕೆ ಅವರ ಹೆಸರು ನಾಮಕರಣ ಮಾಡಲಾಗಿದೆ,ಕೋವಿಡ್ ಲಸಿಕೆ, ಪ್ರಮಾಣಪತ್ರ,ಪೆಟ್ರೋಲ್ ಬಂಕ್ ಹೀಗೆ ಎಲ್ಲೆಲ್ಲೂ ಅವರದೇ ಚಿತ್ರ ರಾರಾಜಿಸುತ್ತಿದೆ. ಮುಂದೆ ಮೋದಿಯ ಹೆಸರು ದೇಶಕ್ಕೆ ಇಟ್ಟರೂ ಅಚ್ಚರಿಯೇನೂ ಇಲ್ಲ ” ಎಂದು ವ್ಯಂಗ್ಯವಾಡಿದ್ದಾರೆ.
ಪಶ್ಚಿಮ ಬಂಗಾಳದಲ್ಲಿ ಮಹಿಳೆಯರು ಅಸುರಕ್ಷಿತರು ಎಂದು ಪ್ರಧಾನಿ ಮೋದಿಯವರು ಟೀಕಿಸಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಮಮತಾ ಬಿಜೆಪಿ ಆಡಳಿತದಲ್ಲಿರುವ ರಾಜ್ಯಗಳಲ್ಲಿ ಮಹಿಳೆಯರು ಸುರಕ್ಷಿತರಾಗಿದ್ದಾರೆಯೇ? ಪ್ರಧಾನಿಯವರ ತವರು ರಾಜ್ಯದಲ್ಲಿ ಮಹಿಳೆಯರ ದುಸ್ಥಿತಿ ಬಗ್ಗೆ ಮೋದಿಯವರು ಮೊದಲು ತಿಳಿದುಕೊಳ್ಳಲಿ ” ಎಂದು ಟೀಕಿಸಿದ್ದಾರೆ.
