ನಕಲಿ ದಾಖಲೆ ಸೃಷ್ಟಿಸಿ ಚರ್ಚ್ ಜಮೀನು ಕಬಳಿಕೆ| ಐವರ ವಿರುದ್ಧ ಪ್ರಕರಣ ದಾಖಲು

ಕೊಟ್ಟಾಯಂ: ಚರ್ಚೊಂದರ 28 ಸೆಂಟ್ಸ್ ಜಮೀನನ್ನು ನಕಲಿ ದಾಖಲೆ ಸೃಷ್ಟಿಸಿ ಕಬಳಿಸಿದ್ದ ಐವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿರುವ ಘಟನೆ ಕೇರಳದಲ್ಲಿ ನಡೆದಿದೆ.

ರಾಣಿಪುರಂ ಸೇಂಟ್ ಮೇರಿಸ್ ಕೆನನ್ ಕ್ಯಾಥೋಲಿಕ್ ಚರ್ಚ್‌ನ ಧರ್ಮಗುರು ಕೊಟ್ಟಾಯಂ ಕಿಡಙೂರು ಮೂಲದ ಫಾ| ಜೋಯ್ ಈನು ಕಲ್ಲೆಲ್ ಅವರ ದೂರಿನ ಆಧಾರದಲ್ಲಿ ರಾಜಪುರಂ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಐ.ಎಲ್ ಜೋನ್, ದಾಮೋದರನ್ ನಂಬಿಯಾರ್, ವಿ.ಟಿ ಜೋಯ್, ಸಹೋದರರಾದ ಕುಞಂಬು ನಾಯರ್ ಮತ್ತು ರತ್ನಾಕರನ್ ವಿರುದ್ಧ ಎಫ್ಐಆರ್ ದಾಖಲಾಗಿದೆ.

ಇತ್ತೀಚೆಗೆ ಇದೇ ಸ್ಥಳದಲ್ಲಿ ಮರ ಕಡಿದು ಮಾರಾಟ ಮಾಡಿರುವ ಬಗ್ಗೆಯೂ ಪ್ರಕರಣ ದಾಖಲಾಗಿತ್ತು.