ಬೆಂಗಳೂರು: ಸತತ ಎರಡನೇ ಬಾರಿಗೆ “ಎಸ್ ಡಿ ಪಿ ಐ” ಆಡಳಿತ ನಡೆಸುತ್ತಿರುವ ಸಜೀಪನಡು ಗ್ರಾಮ ಪಂಚಾಯತ್’ಗೆ ” ಗಾಂಧಿ ಗ್ರಾಮ” ಪುರಸ್ಕಾರವನ್ನು ರಾಜ್ಯ ಸರ್ಕಾರ ನೀಡಿ ಗೌರವಿಸಿದೆ.
ಇದು ಗ್ರಾಮ ಪಂಚಾಯತ್’ನ ಜನಸ್ನೇಹಿ ಆಡಳಿತಕ್ಕೆ ಸಂದ ಗೌರವ ಎಂದು ಗ್ರಾಮ ಪಂಚಾಯತ್ ಬಣ್ಣಿಸಿದೆ.
ಸಜೀಪನಡು ಗ್ರಾಮ ಪಂಚಾಯತ್’ಗೆ ಈ ಪ್ರಶಸ್ತಿ ದೊರಕುವಲ್ಲಿ ಮುಖ್ಯ ಪಾತ್ರ ವಹಿಸಿದ ಪಂಚಾಯತ್ ಅಧ್ಯಕ್ಷೆ ಫೌಝಿಯಾ ಭಾನು , ಉಪಾಧ್ಯಕ್ಷ ಎಸ್ ಎನ್ ಇಕ್ಬಾಲ್, ಮಾಜಿ ಅಧ್ಯಕ್ಷರಾದ ಮುಹಮ್ಮದ್ ನಾಸೀರ್ ಹಾಗೂ ಸದಸ್ಯರು, ಪಿ ಡಿ ಓ ಮತ್ತು ಸಕಾಲಕ್ಕೆ ಕಡತಗಳನ್ನು ವಿಲೇವಾರಿ ಮಾಡಿ ಪಂಚಾಯತ್’ಗೆ ಪ್ರಶಸ್ತಿ ಸಿಗುವಲ್ಲಿ ತಮ್ಮ ನಿಸ್ವಾರ್ಥ ಸೇವೆಗಳನ್ನು ನೀಡಿದ ಸಿಬ್ಬಂದಿಗಳಾದ ಮುಝಮ್ಮಿಲ್, ಸುಜಾತ, ರೇಣುಕಾ, ಚಂದ್ರಹಾಸ ಅವರಿಗೆ ಸೋಶಿಯಲ್ ಡೆಮಾಕ್ರೆಟಿಕ್ ಪಾರ್ಟಿ ಆಫ್ ಇಂಡಿಯಾ ಸಜೀಪ ನಡು ಗ್ರಾಮ ಸಮಿತಿ ಅಭಿನಂದನೆ ಸಲ್ಲಿಸಿದೆ.
