ಗಂಜಿಮಠ ಗ್ರಾಮ ಪಂಚಾಯತ್ ಉಪಚುನಾವಣೆ: ಕಾಂಗ್ರೆಸ್ ಅಭ್ಯರ್ಥಿ ಇರ್ಫಾನ್ ಜಯಭೇರಿ

ಮಂಗಳೂರು: ಗಂಜಿಮಠ ಗ್ರಾಮ ಪಂಚಾಯತ್ ಉಪಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಇರ್ಫಾನ್ ಜಯ ಸಾಧಿಸಿದ್ದಾರೆ.

ಕಾಂಗ್ರೆಸ್ ಸದಸ್ಯ ಝಾಕೀರ್ ಎಂಬವರ ನಿಧನದಿಂದ ತೆರವಾಗಿದ್ದ ವಾರ್ಡ್ ನಲ್ಲಿ ಅಕ್ಟೋಬರ್ 28ಕ್ಕೆ ಚುನಾವಣೆ ನಡೆದಿತ್ತು. ಎಸ್ಡಿಪಿಐ ತೀವ್ರ ಸ್ಪರ್ಧೆ ಒಡ್ಡಿತ್ತು.

ಮೃತ ಝಾಕೀರ್ ಅವರ ಸಹೋದರ ಇರ್ಫಾನ್ ಅವರು ಕಾಂಗ್ರೆಸ್ ನಿಂದ ಸ್ಪರ್ಧಿಸಿದ್ದು, ಕಾಂಗ್ರೆಸ್ 520 ಮತಗಳನ್ನು ಪಡೆದು ಗೆದ್ದರೆ, ಎಸ್ಡಿಪಿಐ 452 ಮತಗಳನ್ನು ಪಡೆದು ಅದ್ಭುತ ಸಾಧನೆ ಮಾಡಿದೆ. ಬಿಜೆಪಿ ಈ ಬಾರಿ ಕೇವಲ 88 ಮತಗಳಷ್ಟೇ ಪಡೆದು ತೃತೀಯ ಸ್ಥಾನಕ್ಕೆ ಕುಸಿದಿದೆ. ಕಳೆದ ಬಾರಿ 188 ಮತಗಳನ್ನು ಬಿಜೆಪಿ ಪಡೆದಿತ್ತು.

ನಾವೂರ ಗ್ರಾಮ ಪಂಚಾಯತ್ ಉಪ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿ ಅಪ್ಪಿ ಎಂಬುವವರು ಗೆಲುವು ಸಾಧಿಸಿದ್ದಾರೆ.