ಬಂಧಿಸಲು ಹೋದ ಪೊಲೀಸ್ ಸಿಬ್ಬಂದಿಗೆ ಚಾಕು ಇರಿದು ಪರಾರಿಯಾಗಲು ಯತ್ನ, ಆರೋಪಿ ಕಾಲಿಗೆ ಶೂಟೌಟ್

ಶಿವಮೊಗ್ಗ : ಪ್ರಕರಣವೊಂದಕ್ಕೆ ಆರೋಪಿಯನ್ನು ಬಂಧಿಸಲು ಹೋದ ಇಬ್ಬರು ಪೊಲೀಸ್ ಅಧಿಕಾರಿಗಳಿಗೆ ಚಾಕು ಇರಿದು , ಲಾಂಗು ಬೀಸಿ ಪರಾರಿಯಾಗಲು ಯತ್ನಿಸಿದ ಘಟನೆ ಹಳೇ ಶಿವಮೊಗ್ಗ ನಗರದ ಕ್ಲಾರ್ಕ್ ಪೇಟೆಯಲ್ಲಿ ನಡೆದಿದೆ.

ಈತನನ್ನು ಬಂಧಿಸಲು ತೆರಳಿದಾಗ ಪೇದೆಯೊಬ್ಬರ ಎದೆಗೆ ಚಾಕು ಇರಿದು ಎತ್ತಂಗಡಿಯಾಗುವಾಗ ಇನ್ನೋರ್ವ ಸಿಬ್ಬಂದಿ ಹಿಡಿಯಲು ಮುಂದಾದಾಗ ಲಾಂಗು ಬೀಸಿ ಹಲ್ಲೆ ಮಾಡಿದ್ಧಾನೆ. ಆ ಬಳಿಕ ಈತನ ಕಾಲಿಗೆ ಗುಂಡು ಹಾರಿಸಿ ವಶಪಡಿಸಿಕೊಂಡಿದ್ಧಾರೆ. ಗಾಯಾಳು ಆರೋಪಿ ಜಿಲ್ಲೆಯ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.

ದೊಡ್ಡಪೇಟೆ ಠಾಣೆಯ ಪೊಲೀಸ್ ಪೇದೆಗಳಾದ ರಮೇಶ್ ಮತ್ತು ಗುರುನಾಯ್ಕ್ ಹಲ್ಲೆಗೊಳಗಾದವರು. ಲಷ್ಕರ್ ಮೊಹಲ್ಲಾದ ನಿವಾಸಿಯಾದ ಶಾಹಿದ್ ಖುರೇಶಿ (26) ಚಾಕು ಇರಿದ ಆರೋಪಿಯಾಗಿದ್ಧಾನೆ.