ತಮ್ಮ ಡ್ರ್ಯಾಗ್ ರೇಸಿಂಗ್ ವೀಡಿಯೋಗಳಿಂದ ಫೇಮಸ್ ಆಗಿದ್ದ ಅಮೆರಿಕಾದ 25 ವರ್ಷದ ಯೂಟ್ಯೂಬರ್ ಆಂಡ್ರೆ ಬೀಡಲ್ ಭೀಕರ ಕಾರು ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ.
ನ್ಯೂಯಾರ್ಕ್ ನ ಕ್ವೀನ್ಸ್ ನಲ್ಲಿರುವ ನಸ್ಸೌ ಎಕ್ಸ್ ಪ್ರೆಸ್ ವೇಯಲ್ಲಿ ಕಾರು ಅಪಘಾತದಲ್ಲಿ ಅವರು ಸಾವನ್ನಪ್ಪಿದ್ದಾರೆ.
ಆನ್ ಲೈನ್ ನಲ್ಲಿ 1Stockf30 ಎಂದು ಕರೆಯಲ್ಪಡುವ ಆಂಡ್ರೆ ಬೀಡಲ್ ಅವರು ಬಿಎಂಡಬ್ಲ್ಯು ಕಾರನ್ನು ಅತೀವೇಗದಿಂದ ಚಾಲನೆ ಮಾಡುತ್ತಿದ್ದಾಗ ಕಾರು ಅವರ ನಿಯಂತ್ರಣ ತಪ್ಪಿ ಈ ಭೀಕರ ದುರಂತ ಸಂಭವಿಸಿದೆ ಎಂದು ನ್ಯೂಯಾರ್ಕ್ ಪೊಲೀಸರು ಹೇಳಿದ್ದಾರೆ.
25 ವರ್ಷದ ಯೂಟ್ಯೂಬರ್ ಆಂಡ್ರೆ ಬೀಡಲ್ ಅತೀವೇಗದ ಡ್ರ್ಯಾಗ್ ರೇಸಿಂಗ್ ವೀಡಿಯೋಗಳಿಂದ ಯೂಟ್ಯೂಬ್ ನಲ್ಲಿ ಫೇಮಸ್ ಆಗಿದ್ದರು. ಅತೀವೇಗದಿಂದ ಆಂಡ್ರೆ ಬೀಡಲ್ ಅವರ ನಿಯಂತ್ರಣ ತಪ್ಪಿದ ಕಾರು ರಸ್ತೆ ಬದಿ ಬಲಕ್ಕೆ ತಿರುಗಿ ಅಲ್ಲಿದ್ದ ಲೋಹದ ಕಂಬಕ್ಕೆ ಡಿಕ್ಕಿ ಹೊಡೆದಿತ್ತು. ತಡರಾತ್ರಿ ನಡೆದ ಈ ಘಟನಾ ಸ್ಥಳಕ್ಕೆ ರಾತ್ರಿ 1.12ಕ್ಕೆ ತುರ್ತು ಸಹಾಯ ತಂಡ ಆಗಮಿಸಿದೆ. ಅಲ್ಲೇ ಕೂಡಲೇ ಬೀಡಲ್ ನನ್ನು ಜಮೈಕಾದ ಹಾಸ್ಪಿಟಲ್ ಮೆಡಿಕಲ್ ಸೆಂಟರ್ ಗೆ ದಾಖಲಿಸಲಾಗಿತ್ತು. ಆದರೆ ಅಲ್ಲಿ ವೈದ್ಯರು ಆತ ಸಾವನ್ನಪ್ಪಿದ್ದಾನೆ ಎಂದು ಘೋಷಣೆ ಮಾಡಿದ್ದಾರೆ.
