ಬೆಂಗಳೂರು: ಒಂದು ಕಾಲದಲ್ಲಿ ಸಿದ್ದರಾಮಯ್ಯ ಕೈಯಲ್ಲಿ ಮಿಂಚುತ್ತಿದ್ದ ಕೈಗಡಿಯಾರ (ವಾಚ್) ಕೊಂಡು ತಂದದ್ದೋ ,ಕದ್ದು ತಂದದ್ದೋ ಎಂದು ಬಿಜೆಪಿ ಪ್ರಶ್ನಿಸಿದೆ.
ಟ್ವೀಟ್ ಮೂಲಕ ಸಿದ್ದರಾಮಯ್ಯರನ್ನು ಪ್ರಶ್ನಿಸಿದ ಬಿಜೆಪಿ ‘ ಸೇ ಸಿಎಂ’ ಎಂದು ಪ್ರಶ್ನಿಸುವ ಮುನ್ನ ಕಾಂಗ್ರೆಸಿಗರು ಒಂದು ಪ್ರಶ್ನೆಗೆ ಉತ್ತರಿಸಲಿ. ಸಿದ್ದರಾಮಯ್ಯ ಅವರ ಕೈಯಲ್ಲಿ ಒಂದು ಕಾಲದಲ್ಲಿ ಮಿಂಚಿದ್ದ ವಾಚು ಕೊಂಡು ತಂದಿದ್ದೋ, ಕದ್ದು ತಂದಿದ್ದೋ ? #WatchPe ಸಿದ್ದರಾಮಯ್ಯ ನಿಮಲ್ಲಿ ಉತ್ತರವಿದೆಯೇ? ಎಂದು ವಾಗ್ದಾಳಿ ನಡೆಸಿದೆ.
ಸರಣಿ ಟ್ವೀಟ್ ಮಾಡಿದ ಬಿಜೆಪಿ ‘ಸಿದ್ದರಾಮಯ್ಯ ಅವರೇ, ದರೋಡೆಕೋರರಿಗೆ ನಾಡಿನ ಜನತೆ ಎಂದೂ ಅಧಿಕಾರ ನೀಡುವುದಿಲ್ಲ. ಬೀದಿಯಲ್ಲಿರುವ ಕಾಂಗ್ರೆಸ್ ನಾಯಕರು ಕಸದ ತೊಟ್ಟಿ ಸೇರುವ ಕಾಲ ಹತ್ತಿರ ಬರುತ್ತಿದೆ. ಭ್ರಷ್ಟರೆಲ್ಲಾ ಸೇರಿಕೊಂಡು ಭಾರತ್‌ ಜೋಡೋ ಯಾತ್ರೆ ಆರಂಭಿಸಿದ್ದಾರೆ. ಯಾತ್ರೆ ಮುಗಿಯುವ ವೇಳೆ ಜೈಲು ಸೇರುವುದು ಖಚಿತ ಎಂದು ಕಾಲೆಳೆದಿದೆ.
ಮಾನ್ಯ ಸಿದ್ದರಾಮಯ್ಯ ಅವರೇ, ದೇಶದ ಪ್ರಧಾನಿ ರಾಹುಲ್ ಗಾಂಧಿ ಅಲ್ಲವೆನ್ನುವುದು ಸಣ್ಣ ಮಕ್ಕಳಿಗೂ ತಿಳಿದಿದೆ. ಆ ಬಾಲಕನ ಜೊತೆ ಓಡಾಡಿ ನಿಮಗೆ ದೇಶದ ಪ್ರಧಾನಿ ಬಗ್ಗೆಯೂ ಮರೆತಿರುವುದು ನೋಡಿದರೆ ನಿಮ್ಮ ಮಾನಸಿಕ ಸ್ಥಿತಿಯ ಬಗ್ಗೆ ಬೇಸರವಾಗುತ್ತಿದೆ. 40% ಭ್ರಷ್ಟಾಚಾರ ಆರೋಪ ಮಾಡುವ ಸಿದ್ದರಾಮಯ್ಯ ಅವರೇ, ಇದಕ್ಕೆ ಪೂರಕವಾದ ಒಂದಾದರೂ ದಾಖಲೆಯನ್ನು ಜನತೆಯ ಮುಂದಿಟ್ಟಿದ್ದೀರಾ? ಭಾಷಣದಲ್ಲಿ ಶೂರತನ ತೋರುವವರಿಗೆ ಆರೋಪಕ್ಕೆ ದಾಖಲೆ ಕೊಡಬೇಕು ಎನ್ನುವು ಸಣ್ಣ ಜ್ಞಾನವೂ ಇಲ್ಲವೇ?’ ಎಂದು ಬಿಜೆಪಿ ವಾಗ್ದಾಳಿ ನಡೆಸಿದೆ.
ಎಸಿಬಿ ರಚಿಸಿ ತಮ್ಮ ಎಲ್ಲಾ ಹಗರಣಗಳಿಗೆ ʼಬಿʼ ರಿಪೋರ್ಟ್ ಹಾಕಿಸಿಕೊಂಡ ಧೀರ ಎಂದರೆ ಅದು ಸಿದ್ದರಾಮಯ್ಯ. ನಿಷ್ಪಕ್ಷಪಾತ ತನಿಖೆ ನಡೆಸುವ ಲೋಕಾಯುಕ್ತವನ್ನು ಅನುಮಾನಿಸಿದ್ದೇಕೆ? ಬೇಲ್ ಮೇಲಿರುವ ಆ ಬಾಲಕನ ಜೊತೆ ಓಡುವ ನಿಮಗೂ ತಿಹಾರ್ ಜೈಲೂಟ ಮಾಡುವ ಕಾಲ ಹತ್ತಿರದಲ್ಲಿದೆ ಎಂದು ಬಿಜೆಪಿ ಟ್ವೀಟ್ ಮೂಲಕ ಸಮರ ಸಾರಿದೆ.
