ವಿಸ್ತಾರಾ ವಿಮಾನಕ್ಕೆ ಸಿಬ್ಬಂದಿಗಳಿಂದ ಭಾವನಾತ್ಮಕ ವಿದಾಯ

ಹೊಸದಿಲ್ಲಿ: ಒಡಿಶಾದ ಬಿಜು ಪಟ್ನಾಯಕ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಗ್ರೌಂಡ್ ಸ್ಟಾಫ್ ಮತ್ತು ವಿಮಾನ ಸಿಬ್ಬಂದಿಗಳು ಸೋಮವಾರದ ಕೊನೆಯ ವಿಸ್ತಾರಾ ವಿಮಾನಕ್ಕೆ ಭಾವನಾತ್ಮಕ ವಿದಾಯ ಹೇಳಿದರು.

ವಿಸ್ತಾರವು ಏರ್ ಇಂಡಿಯಾದೊಂದಿಗೆ ವಿಲೀನಗೊಂಡಿದ್ದು, ಅದರ ಕೊನೆಯ ವಿಮಾನವು ಬಿಜು ಪಟ್ನಾಯಕ್ ನಿಲ್ದಾಣದಿಂದ ದಿಲ್ಲಿಗೆ ನಿರ್ಗಮಿಸಿದೆ.

ವಿಸ್ತಾರಾ-ಏರ್ ಇಂಡಿಯಾ ವಿಲೀನದ ನಂತರ, ವಿಸ್ತಾರಾದ 49 ಶೇಕಡಾ ಮಾಲಕತ್ವ ಹೊಂದಿದ್ದ ಸಿಂಗಾಪುರ್ ಏರ್ಲೈನ್ಸ್ ಏರ್ ಇಂಡಿಯಾದಲ್ಲಿ 25.1 ಶೇಕಡಾ ಪಾಲನ್ನು ಪಡೆದುಕೊಂಡಿದೆ.

ವಿಸ್ತಾರಾ ಪ್ರಯಾಣಿಕರಿಗೆ ಸುಲಭವಾಗಲು ಏರ್ ಇಂಡಿಯಾ ಟಚ್ ಪಾಯಿಂಟ್‌ಗಳು ಮತ್ತು ವಿಮಾನ ನಿಲ್ದಾಣಗಳಲ್ಲಿ ಹೆಲ್ಪ್ ಡೆಸ್ಕ್ ಕಿಯೋಸ್ಕ್‌ಗಳು ಸೇರಿದಂತೆ ಹೆಚ್ಚುವರಿ ಸಂಪನ್ಮೂಲಗಳನ್ನು ನಿಯೋಜಿಸಿದೆ.