ರಸ್ತೆ ನಿಯಮ ಉಲ್ಲಂಘನೆ; ಬೈಕ್ ಸವಾರರ ಬಂಧನ

ಚಿಕ್ಕಮಗಳೂರು : ರಸ್ತೆ ನಿಯಮವನ್ನುಉಲ್ಲಂಘಿಸಿ  ಹೆದ್ದಾರಿಯಲ್ಲಿ ವೀಲಿಂಗ್ ಮಾಡುತ್ತಿದ್ದ ಯುವಕರ ತಂಡವನ್ನು ಪೊಲೀಸರು ಬಂಧಿಸಿದ ಘಟನೆ ಕಡೂರಿನಲ್ಲಿ ನಡೆದಿದೆ.

ಕಡೂರು ಹೆದ್ದಾರಿಯಲ್ಲಿ ಆರು ದ್ವಿಚಕ್ರ ವಾಹನಗಳಲ್ಲಿ ಯಾವುದೇ ಭಯವಿಲ್ಲದೇ ರಾಜಾರೋಷವಾಗಿ ತಿರುಗಾಡುತ್ತಿದ್ದ ಯುವಕರ ಗುಂಪನ್ನು ಸಖರಾಯಪಟ್ಟಣ ಪೊಲೀಸರು ಕಾರ್ಯಾಚರಣೆ ನಡೆಸಿ,ವಾಹನಗಳನ್ನು ವಶಪಡಿಸಿಕೊಂಡರು.

ವೀಲಿಂಗ್ ನಡೆಸುತ್ತಿದ್ದ ಸವಾರರನ್ನೂ ಬಂಧಿಸಿ ಚಿಕ್ಕಮಗಳೂರು ಸಂಚಾರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದರು.

ರಸ್ತೆ ನಿಯಮಗಳನ್ನು ಉಲ್ಲಂಘಿಸಿ, ತಮ್ಮ ಜೀವದೊಂದಿಗೆ ಬೇರೆಯವರಿಗೂ ಸಮಸ್ಯೆ ತಂದೊಡ್ಡುವವರ ವಿರುದ್ಧ ಕಠಿಣ ಕಾನೂನು ಕ್ರಮಗಳನ್ನು ಕೈಗೊಳ್ಳಬೇಕು, ಈ ಕುರಿತಾಗಿ ಅರಿವು ಮೂಡಿಸುವ ಕೆಲಸವನ್ನು ಪೊಲೀಸರು ಮಾಡಬೇಕು ಎಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.