ಮೀರತ್: ಹಿಂದೂ ಜಾಗರಣೆ ಮಂಚ್ ನ ಪದಾಧಿಕಾರಿಗಳು ಯುವ ಜೋಡಿಗೆ ಹಲ್ಲೆ ನಡೆಸಿದ ಪ್ರಸಂಗ ಉತ್ತರಪ್ರದೇಶದ ಮೀರತ್ ಜಿಲ್ಲೆಯ ಸಾಕೇತ್ ಎಂಬ ಪ್ರದೇಶದಿಂದ ವರದಿಯಾಗಿದೆ.

ಮೀರತ್ ನ ಗೋಲ್ ಮಾರ್ಕೆಟ್ ಪಾರ್ಕ್ ನಲ್ಲಿ ತನ್ನ ಸ್ನೇಹಿತ ಸಲ್ಮಾನ್ ನನ್ನು ಭೇಟಿಯಾದ ಹುಡುಗಿಯನ್ನು ತರಾಟೆಗೆ ತೆಗೆದುಕೊಂಡ ಹಿಂದುತ್ವವಾದಿಗಳು, ಇಬ್ಬರಿಗೂ ಹಲ್ಲೆ ನಡೆಸಿದ ನಂತರ ಹುಡುಗಿಯ ಚಪ್ಪಲಿಯಿಂದ ಆತನ ಮೇಲೆ ಹಲ್ಲೆ ನಡೆಸುವಂತೆ ಬಲವಂತಪಡಿಸುತ್ತಿರುವ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಘಟನೆಗೆ ಸಂಬಂಧಿಸಿದಂತೆ ಹುಡುಗಿಯ ತಾಯಿ, ಸ್ಥಳೀಯ ಪೊಲೀಸ್ ಠಾಣೆಗೆ ದೂರು ದಾಖಲಿಸಿದ್ದಾರೆ. ಪೊಲೀಸರು ಎರಡು ಕಡೆಯವರನ್ನು ಠಾಣೆಗೆ ಕರೆಯಿಸಿ ವಿಚಾರಣೆ ನಡೆಸಿದ್ದು, ಸ್ವ-ಇಚ್ಛೆಯಿಂದ ಹುಡುಗನ ಜೊತೆ ತೆರಳಿದ್ದೇನೆ ಎಂದು ಆಕೆ ಪೊಲೀಸರಲ್ಲಿ ತಿಳಿಸಿದ್ದಾಳೆ.

ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.