ಯುಎಸ್‌ಎ : ಅಮೆರಿಕ ಸಂಯುಕ್ತ ಸಂಸ್ಥಾನದ ಕೆಂಟುಕಿ ರಾಜ್ಯದ ಲೂಯಿಸ್‌ವಿಲ್ಲೆಯಲ್ಲಿ ಅಂತಾರಾಷ್ಟ್ರೀಯ ಶಾಸಕರ ಸಮ್ಮೇಳನವು 5 ರಿಂದ 7ನೇ ಆಗಸ್ಟ್ 2024 ರವರೆಗೆ ನಡೆಯುತ್ತಿದೆ. ಈ ಸಮ್ಮೇಳನದಲ್ಲಿ ಕರ್ನಾಟಕ ವಿಧಾನಸಭೆಯ ಸ್ಪೀಕರ್ ಯು.ಟಿ ಖಾದರ್, ಉಪ ಸಭಾಪತಿ ರುದ್ರಪ್ಪ ಲಮಾಣಿ, ವಿಧಾನ ಪರಿಷತ್ ಶಾಸಕರಾದ ಮಂಜುನಾಥ್ ಭಂಡಾರಿ ಸೇರಿದಂತೆ 10 ಮಂದಿ ಶಾಸಕರು ಕರ್ನಾಟಕದ ಸರಕಾರದ ಪರವಾಗಿ ಭಾಗವಹಿಸಿದರು.
ಈ ವೇಳೆ ಯು.ಟಿ ಖಾದರ್ ಮತ್ತು ಮಂಜುನಾಥ್ ಭಂಡಾರಿಯವರು ಕುಟುಂಕಿಯ ಗವರ್ನರ್ ಆಂಡಿ ಬಶೀರ್ ಮತ್ತು ಸೆನೆಟರ್ ವೇಯ್ನ್ ಹಾರ್ಪರ್ ಅವರಿಗೆ ಮೈಸೂರು ಶಾಲು ಹೊದಿಸಿ ಗೌರವಿಸಿದರು.
ರಾಷ್ಟ್ರೀಯ ಶಾಸಕರ ಸಮಾವೇಶ ಭಾರತ್ (NLC ಭಾರತ್) ರಾಜ್ಯ ಶಾಸಕಾಂಗಗಳ ರಾಷ್ಟ್ರೀಯ ಸಮ್ಮೇಳನ (NCSL) ಸಹಯೋಗದೊಂದಿಗೆ NCSL ಶಾಸಕರ ಶೃಂಗಸಭೆಯ ಸಂದರ್ಭದಲ್ಲಿ ನಡೆಯಲಿರುವ ಭಾರತದ ಶಾಸಕರ ವಿಶೇಷ ದುಂಡು ಮೇಜಿನ ಸಭೆಯನ್ನು ಆಯೋಜಿಸಿದೆ. NCSL ಶೃಂಗಸಭೆಯು ಪರಿವರ್ತಕ ಚರ್ಚೆಗಳಲ್ಲಿ ತೊಡಗಿದೆ.
ಸ್ಪೀಕರ್ ಯು.ಟಿ ಖಾದರ್, ಶಾಸಕರಾದ ಮಂಜುನಾಥ್ ಭಂಡಾರಿ, ಅಶೋಕ್ ಪಟ್ಟನ್, ಸಲಿಂ ಅಹಮದ್ ಸೇರಿದಂತೆ ಕರ್ನಾಟಕದ 10 ಶಾಸಕರು NCSL ಭಾರತ್ ಶೃಂಗಸಭೆಯಲ್ಲಿ ಭಾಗವಹಿಸಿದರು. ಈ ಸಮ್ಮೇಳನದಲ್ಲಿ ಪ್ರಪಂಚದಾದ್ಯಂತದ ಸುಮಾರು 5,600 ಮಂದಿ ಶಾಸಕರು ಭಾಗವಹಿಸಿದ್ದರು.
