ಮಂಗಳೂರು: ಮನುಷ್ಯನ ಜೀವ ಕೊಲ್ಲುವ ಈ ಪುನೀತನ ಆಯುಷ್ಯ ಮನುಷ್ಯತ್ವಕ್ಕಾಗಿ ಮಿಡಿಯುವ ಆ ಪುನೀತನಿಗೆ ಸಿಗಬೇಕಾಗಿತ್ತು ಎಂದು ಉಳ್ಳಾಲ ವಿಧಾನಸಭಾ ಕ್ಷೇತ್ರದ ಎಸ್’ಡಿಪಿಐ ಅಭ್ಯರ್ಥಿ ರಿಯಾಝ್ ಫರಂಗಿಪೇಟೆ ಟ್ವೀಟ್ ಮಾಡಿದ್ದು, ಇದು ವೈರಲ್ ಆಗಿದೆ.
ಪುನೀತ್ ರಾಜ್ ಕುಮಾರ್ ಮತ್ತು ಇದ್ರೀಸ್ ಪಾಷ ಅವರನ್ನು ಹತ್ಯೆ ಮಾಡಿದ ಪುನೀತ್ ಕೆರೆಹಳ್ಳಿಯ ಫೋಟೋವನ್ನು ಟ್ವೀಟ್ ನಲ್ಲಿ ಅಪ್ಲೋಡ್ ಮಾಡಿರುವ ರಿಯಾಝ್ ಫರಂಗಿಪೇಟೆ, ಮನುಷ್ಯನ ಜೀವ ಕೊಲ್ಲುವ ಈ ಪುನೀತನ ಆಯುಷ್ಯ ಮನುಷ್ಯತ್ವಕ್ಕಾಗಿ ಮಿಡಿಯುವ ಆ ಪುನೀತನಿಗೆ ಸಿಗಬೇಕಾಗಿತ್ತು ಎಂದು ಬರೆದಿದ್ದಾರೆ.
ಹಲವರು ಈ ಟ್ವೀಟ್ಟನ್ನು ಮೆಚ್ಚಿ ಪ್ರತಿಕ್ರಿಯಿಸಿದ್ದಾರೆ.
ಪುನೀತರಾಗಿದ್ದರು ಅವರು…. ಪುನೀತರ ಹೆಸರಿಗೆ ಮಸಿ ಬಳಿದರು ಇವರು…ಎಂದು ವ್ಯಕ್ತಿಯೊಬ್ಬರು ಪ್ರತಿಕ್ರಿಯಿಸಿದ್ದರೆ, ಖಲೀಲ್ ಎಂಬವರು ರಿಟ್ವೀಟ್ ಮಾಡಿ, ಬರಹವು ಅರ್ಥಗರ್ಭಿತವಾಗಿದೆ ಅದರಂತೆ ನಡೆದಿದ್ದರೆ ಇಂದು ಆ ಪುನೀತ್ ರಾಜರಿಂದ ನೂರಾರು ಬಡವರು ತುತ್ತು ಅನ್ನವನ್ನಾದರು ತಿನ್ನುತ್ತಿದ್ದರು ಎಂದು ಹೇಳಿದ್ದಾರೆ.
ಹಾರಿಸ್ ಮಲಾರ್ ಎಂಬವರು ಪ್ರತಿಕ್ರಿಯಿಸಿ, ಪುನೀತ್ ರಾಜಕುಮಾರ್ ಇವತ್ತು ಇರುತ್ತಿದ್ದರೆ ಅದೆಷ್ಟು ಜೀವಗಳಿಗೆ ದಾನಿಯಾಗುತ್ತಿದ್ದ ಅದೆಷ್ಟೋ ಜೀವಗಳನ್ನು ಉಳಿಸುತ್ತಿದ್ದ ಅದೆಷ್ಟು ತ್ಯಾಗಗಳನ್ನು ಮಾಡುತ್ತಿದ್ದ ಇವತ್ತು ಅವರಿಲ್ಲ ಇವತ್ತು ಅವರನ್ನು ನೆನೆಸಿದ ಮಂಗಳೂರು ವಿಧಾನಸಭಾ ಕ್ಷೇತ್ರದ ಅಭ್ಯರ್ಥಿ ರಿಯಾಝ್ ಫರಂಗಿಪೇಟೆ, ನಿಜವಾಗಿಯೂ ನೀವು ಒಬ್ಬ ಹೋರಾಟಗಾರನೇ ಎಂಬುದರಲ್ಲಿ ಎರಡು ಮಾತಿಲ್ಲ ಎಂದಿದ್ದಾರೆ.
