ಟ್ರಕ್ ಟಯರ್ ಎಂದು ಯುದ್ಧ ವಿಮಾನದ ಟಯರ್ ಅನ್ನೇ ಎಗರಿಸಿದ ಕಳ್ಳರು ! ಮುಂದೆ ನಡೆದದ್ದೇನು ?

Prasthutha: December 5, 2021

ಲಕ್ನೋ: ಟ್ರಕ್‌ನ ಟಯರ್ ಎಂದು ತಪ್ಪಾಗಿ ಗ್ರಹಿಸಿ ಭಾರತೀಯ ವಾಯುಪಡೆಯ ಪಡೆಗೆ ಸೇರಿದ ಮಿರಾಜ್ 2000 ಯುದ್ಧ ವಿಮಾನದ ಟಯರ್ ಅನ್ನು ಎಗರಿಸಿದ್ದಾರೆ. ಟಯರ್ ಕಳವುಗೊಂಡ ಪರಿಣಾಮ ಪೊಲೀಸರು ಮತ್ತು ವಾಯುಪಡೆ ಪೊಲೀಸರು ಕಳ್ಳರ ಪತ್ತೆಗೆ ನಿಗಾ ವಹಿಸಿದ್ದರು. ಆದರೆ ಪೊಲೀಸರು ಪ್ರಕರಣವನ್ನು ಬೇಧಿಸುವ ಮುನ್ನವೇ ಕಳ್ಳರು ಟಯರ್ ಸಹಿತ ವಾಯುಸೇನೆ ಠಾಣೆಯಲ್ಲಿ ಶರಣಾಗತಿಯಾಗಿದ್ದಾರೆ.

ಇಬ್ಬರು ಕಳ್ಳರನ್ನು ದೀಪರಾಜ್ ಮತ್ತು ಹಿಮಾಂಶು ಎಂದು ಗುರುತಿಸಲಾಗಿದ್ದು ಟಯರ್  ಕದ್ದ  ಬಗ್ಗೆಯೂ ಸ್ಪಷ್ಟನೆ ನೀಡಿದ್ದಾರೆ. ಕಳವುಗೈದ ಟಯರ್ ಅನ್ನು  ಮಿರಾಜ್ ಯುದ್ಧ ವಿಮಾನದ ಟಯರ್ ಎಂದು ತಿಳಿದಿರಲಿಲ್ಲ. ಟ್ರಕ್‌ನ ಟಯರ್ ಎಂದು ತಪ್ಪಾಗಿ ಗ್ರಹಿಸಿ ಮನೆಗೆ ತೆಗೆದುಕೊಂಡು ಹೋಗಿದ್ದೇವೆ ಎಂದು ಕಳ್ಳರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ನವೆಂಬರ್ 26 ರ ರಾತ್ರಿ ಶಹೀದ್ ಪಥದಲ್ಲಿ ನಮಗೆ ಟಯರ್ ಕಾಣಿಸಿತ್ತು. ಇದನ್ನು ನಾವು ಟ್ರಕ್ ಟಯರ್ ಎಂದು ಮನೆಗೆ ತೆಗೆದುಕೊಂಡು ಹೋದೆವು ಎಂದು ಇಬ್ಬರೂ ಪೊಲೀಸರೊಂದಿಗೆ ಅಳಲು ತೋಡಿಕೊಂಡಿದ್ದಾರೆ.

ನಾವು ಕದ್ದ ಟಯರ್ ಇತರ ಟಯರ್ ಗಳಿಗಿಂತ ಸ್ವಲ್ಪ ಭಿನ್ನವಾಗಿತ್ತು, ಯಾವ ಕಾರಿಗೆ ಇದು ಸೇರಿದೆ ಎಂದು ನಮಗೆ ತಿಳಿದಿರಲಿಲ್ಲ. ಮಿರಾಜ್‌ ಯುದ್ಧ ವಿಮಾನದ ಟೈರ್ ಕಳ್ಳತನವಾಗಿರುವ ಸುದ್ದಿಯನ್ನು ಡಿಸೆಂಬರ್ 3 ರಂದು ನೋಡಿದ್ದೇವೆ, ನಾವು ಕದ್ದಿರುವ ಟಯರ್ ಇದೇ ಎಂದು ತಿಳಿದಾಗ ಗಾಬರಿಗೊಂಡೆವು. ಅದರಂತೆ ಇದೀಗ ಟಯರ್ ಸಮೇತ ಏರ್ ಫೋರ್ಸ್ ಸ್ಟೇಷನ್ ಗೆ ಬಂದಿದ್ದೇವೆ ಎಂದು ತಿಳಿಸಿದ್ದಾರೆ.

ನವೆಂಬರ್ 26 ರ ಸಂಜೆ ಜೋಧ್‌ಪುರಕ್ಕೆ ವಾಯುಪಡೆಗೆ ಸಂಬಂಧಿಸಿದ ವಸ್ತುಗಳನ್ನು ಟ್ರಕ್ ಮೂಲಕ ಸಾಗಿಸಲಾಗುತ್ತಿತ್ತು , ಯುದ್ಧ ವಿಮಾನದ 5 ಟಯರ್‌ಗಳ ಪೈಕಿ ಒಂದು ಟಯರ್ ಅನ್ನು ಕಳ್ಳರು ಕಳವುಗೈದಿದ್ದರು, ಈ ಸಂಬಂಧ ಡಿಸೆಂಬರ್ ಒಂದರಂದು ಆಶಿಯಾನಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!