ಶಿಕ್ಷಕರ ನೇಮಕಾತಿ ಹಗರಣ: ಪ್ರಾಥಮಿಕ ಶಿಕ್ಷಣ ಮಂಡಳಿ ಮುಖ್ಯಸ್ಥರ ಪದಚ್ಯುತಿಗೆ ಕಲ್ಕತ್ತಾ ಹೈಕೋರ್ಟ್ ಆದೇಶ

ನವದೆಹಲಿ: ಸರ್ಕಾರಿ ಪ್ರಾಥಮಿಕ ಶಾಲೆಗಳ ಶಿಕ್ಷಕರ ನೇಮಕಾತಿಯಲ್ಲಿ ಅಕ್ರಮ ನಡೆದಿದೆ ಎಂಬ ಆರೋಪದ ಮೇಲೆ ಪಶ್ಚಿಮ ಬಂಗಾಳ ಪ್ರಾಥಮಿಕ ಶಿಕ್ಷಣ ಮಂಡಳಿ (ಡಬ್ಲ್ಯುಬಿಬಿಪಿಇ) ಅಧ್ಯಕ್ಷ ಮಾಣಿಕ್ ಭಟ್ಟಾಚಾರ್ಯ ಅವರನ್ನು ತಕ್ಷಣವೇ ಹುದ್ದೆಯಿಂದ ತೆಗೆದುಹಾಕಲು ಕಲ್ಕತ್ತಾ ಹೈಕೋರ್ಟ್  ಆದೇಶಿಸಿದೆ.

ನ್ಯಾಯಮೂರ್ತಿ ಅಭಿಜಿತ್ ಗಂಗೋಪಾಧ್ಯಾಯ ಅವರ ಏಕಸದಸ್ಯ ಪೀಠವು ನ್ಯಾಯಾಲಯಕ್ಕೆ ಖುದ್ದಾಗಿ ಹಾಜರಾಗುವಂತೆ ಭಟ್ಟಾಚಾರ್ಯ ಅವರಿಗೆ ನಿರ್ದೇಶನ ನೀಡಿತ್ತು. ನ್ಯಾಯಾಧೀಶರು ಅವರ ಬದಲಿ ವ್ಯವಸ್ಥೆ ಮಾಡಲು ರಾಜ್ಯ ಸರ್ಕಾರಕ್ಕೆ ಅಧಿಕಾರ ನೀಡಿದರು. ಮಧ್ಯಂತರ ಅವಧಿಯಲ್ಲಿ, ಭಟ್ಟಾಚಾರ್ಯ ಅವರ ಜವಾಬ್ದಾರಿಗಳನ್ನು ಡಬ್ಲ್ಯುಬಿಬಿಪಿಇ ಕಾರ್ಯದರ್ಶಿ ರತ್ನಾ ಚಕ್ರವರ್ತಿ ಬಾಗ್ಚಿ ನಿರ್ವಹಿಸಲಿದ್ದಾರೆ ಎಂದು ನ್ಯಾಯಾಧೀಶರು ತೀರ್ಪು ನೀಡಿದ್ದಾರೆ.