ಕಾಸರಗೋಡ್: ಈದ್ ಮೀಲಾದ್ ಪ್ರಯುಕ್ತ ಸಮಾಜ ಸೇವಕಿ ಝರೀನ ಉಸ್ಮಾನ್ ರವರಿಗೆ ಉದ್ಯಾವರ ದಮ್ಮಾಮ್ ಕಮಿಟಿಯಿಂದ 2022-UIEO (ಉತ್ತಮ ಸಾಮಾಜಿಕ ಕಾರ್ಯಕರ್ತೆ) ಎಂಬ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು.
ಸಾಂಸ್ಕೃತಿಕ ಶೈಕ್ಷಣಿಕ ಸಮಾಜದ ಉನ್ನತಿಗಾಗಿ ಸಮುದಾಯದ ಏಳಿಗೆಗಾಗಿ ಉದ್ಯಾವರದ ಹಲವಾರು ಬಡ-ಕುಟುಂಬಗಳಿಗೂ, ರೋಗ ಪೀಡಿತರಿಗೂ, ಅನರ್ಹ ಕುಟುಂಬಗಳ ಮಕ್ಕಳ ಉನ್ನತ ವಿದ್ಯಾಭ್ಯಾಸ, ರಮಳಾನ್-ಈದ್ ಕಿಟ್ ವಿತರಣೆ, ಕೋವಿಡ್ ಕಾಲದಲ್ಲಿ ಸರ್ವರಿಗೂ ಆಪತ್ಬಾಂಧವರಾಗಿ ಸೇವೆ ಸಲ್ಲಿಸಿದ ಉದ್ಯಾವರದ ಅನಿವಾಸಿಗಳ ಒಕ್ಕೂಟ UIEO ದಮ್ಮಾಮ್ ಕಮಿಟಿಯು 30 ವರ್ಷಗಳಿಂದ ತನ್ನ ಸೇವೆಯನ್ನು ಸಲ್ಲಿಸುತ್ತಾ ಬಂದಿದೆ.
ಪ್ರತಿ ವರ್ಷ ನಡೆಯುತ್ತಿರುವ ಈದ್ ಮಿಲಾದ್ ಮಂಜೇಶ್ವರ ಮದರಸಗಳ ರೇಂಜ್ ಮಕ್ಕಳ ಸಾಂಸ್ಕೃತಿಕ ಕಲಾ ಕಾರ್ಯಕ್ರಮಗಳ ವೇದಿಕೆಯಲ್ಲಿ ಉದ್ಯಾವರದ ಉತ್ತಮ ಸಾಮಾಜಿಕ ಕಾರ್ಯಕರ್ತ ಎಂಬ UIEO ಪುರಸ್ಕಾರ ನೀಡಲಾಗುವುದು. ಈ ವರ್ಷದ ಪುರಸ್ಕಾರವನ್ನು ಝರೀನ ಉಸ್ಮಾನ್ ರವರಿಗೆ ನೀಡಲಾಯಿತು.
UIEO ದಮ್ಮಾಮ್ ಕಮಿಟಿಯ ಪದಾಧಿಕಾರಿಗಳಿಂದ ಝರೀನಾರವರಿಗೆ ಪುರಸ್ಕಾರ ನೀಡಿ ಸನ್ಮಾನಿಸಲಾಯಿತು.
ಝರೀನ ಅವರು ಉದ್ಯಾವರದಲ್ಲಿ ಹೆಂಗಸರ, ಯುವತಿಯರ, ಹಾಗು ಮಕ್ಕಳ ಮಯ್ಯಿತ್ (ಜನಾಝ ಸ್ನಾನ)ಮಾಡಿಸುದರಲ್ಲಿ ತಮ್ಮ ಕೊಡುಗೆಯನ್ನು ನೀಡಿದ್ದಾರೆ.
ಈದ್ ಮೀಲಾದ್ ಮದ್ರಸ ಮಕ್ಕಳ ಕಾರ್ಯಕ್ರಮಗಳ ಬಹುಮಾನಗಳನ್ನೂ ಕೂಡಾ ದಮ್ಮಾಮ್ ಕಮಿಟಿಯ ಕೊಡುಗೆಯಿಂದ ವಿತರಿಸಲಾಗುವುದು.
