‘ಪ್ರಸಾರ ಭಾರತಿ’ಯ ನೂತನ ಸಿ ಇ ಒ ಆಗಿ ಹಿರಿಯ ಐಎಎಸ್ ಅಧಿಕಾರಿ ಗೌರವ್ ದ್ವಿವೇದಿ ನೇಮಕ

ದೆಹಲಿ: ‘ಪ್ರಸಾರ ಭಾರತಿ’ಯ ನೂತನ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿಯಾಗಿ ಸೀನಿಯರ್ ಐಎಎಸ್ ಅಧಿಕಾರಿ ಗೌರವ್ ದ್ವಿವೇದಿಯಾಗಿ ನೇಮಕಗೊಂಡಿದ್ದಾರೆ.

ಈ ಮೂಲಕ ಗೌರವ್ ಅವರು ಐದು ವರ್ಷಗಳ ಕಾಲ ಅಧಿಕಾರ ವಹಿಸಲಿದ್ದಾರೆ. ಈ ಹಿಂದೆ ಶಶಿ ಶೇಖರ್ ವೆಂಪತಿ ಪ್ರಸಾರ ಭಾರತಿಯ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿಯಾಗಿದ್ದರು.

ಛತ್ತೀಸಗಡ ಕೇಡರ್‌ನ 1995ನೇ ಬ್ಯಾಚ್‌ ನ ಅಧಿಕಾರಿಯಾಗಿರುವ ಗೌರವ್, ಈ ಹಿಂದೆ MyGovIndia ದಲ್ಲಿ ಸಿಇಒ ಆಗಿದ್ದರು.