ಅರುಣಾಚಲದಲ್ಲಿ ಚೈನಾ ನಗರಗಳ ನಿರ್ಮಾಣ: ನೂತನ ಉಪಗ್ರಹ ಚಿತ್ರದಲ್ಲಿ ಆಘಾತಕಾರಿ ಅಂಶ ಬಹಿರಂಗ

ನವದೆಹಲಿ: ಅರುಣಾಚಲ ಪ್ರದೇಶದಲ್ಲಿ ಚೈನಾ, ತನ್ನ ರಾಷ್ಟ್ರವನ್ನು ಗಡಿಯಾಚೆಗೂ ವೃದ್ಧಿಸುವ ಭಾಗವಾಗಿ ಕನಿಷ್ಠ 60 ಕಟ್ಟಡಗಳನ್ನು ನಿರ್ಮಿಸಿರುವುದು ನೂತನ ಉಪಗ್ರಹ ಚಿತ್ರದಲ್ಲಿ ಬಹಿರಂಗವಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.

ಮಾತ್ರವಲ್ಲ ಗಡಿ ಪ್ರದೇಶಗಳಲ್ಲಿ ಚೈನಾ, ತನ್ನದೇ ಗ್ರಾಮಗಳನ್ನು ನಿರ್ಮಾಣ ಮಾಡುತ್ತಿರುವುದನ್ನು ಮುಂದುವರಿಸಿರುವ ಆತಂಕಕಾರಿ ಮಾಹಿತಿ ಹೊರಬಿದ್ದಿದೆ. ಅರುಣಾಚಲ ಪ್ರದೇಶದಲ್ಲಿ ನಾಲ್ಕು ಗ್ರಾಮಗಳನ್ನೇ ನಿರ್ಮಿಸಿರುವುದನ್ನು ಉಪಗ್ರಹ ಚಿತ್ರಗಳು ಸಾಕ್ಷಿಯಾಗಿಸಿದೆ. ಈ ಬೆಳವಣಿಗೆಯು ಭಾರತಕ್ಕೆ ಹೊಸ ತಲೆನೋವು ತಂದಿಟ್ಟಿದೆ.

ಚೈನಾ ವು ಅರುಣಾಚಲ ಪ್ರದೇಶದಲ್ಲಿ 100 ಚದರ ಕಿಲೋಮೀಟರ್ ಪ್ರದೇಶದಲ್ಲಿ ಹಲವಾರು ಹೊಸ ಹಳ್ಳಿಗಳು ಹರಡಿಕೊಂಡಿವೆ. ಡೋಕ್ಲಾಂ ಪ್ರಸ್ಥಭೂಮಿಯ ಸಮೀಪದಲ್ಲಿರುವ ಈ ವಿವಾದಿತ ಭೂಮಿಯು 2017ರಲ್ಲಿ ಭಾರತ ಮತ್ತು ಚೈನಾ ಸೇನೆಗಳು ಮುಖಾಮುಖಿಯಾದ ಸ್ಥಳವಾಗಿದೆ.

ಅರುಣಾಚಲ ಪ್ರದೇಶದಲ್ಲಿ ಚೈನಾ ಸೇನಾ ಪಡೆಗಳು ನಾಲ್ಕು ಗ್ರಾಮಗಳನ್ನು ನಿರ್ಮಿಸಿದ್ದು 2020ರ ಮೇ ತಿಂಗಳಿನಿಂದ 2021ರ ನವೆಂಬರ್ ತಿಂಗಳ ಅವಧಿಯಲ್ಲಾಗಿದೆ. ಚೀನಾದ ಸರ್ಕಾರಿ ಮಾಧ್ಯಮದೊಂದಿಗೆ ಹಿರಿಯ ಪತ್ರಕರ್ತರೊಬ್ಬರು ಪೋಸ್ಟ್ ಮಾಡಿದ ಉಪಗ್ರಹದ ಚಿತ್ರಗಳಿಂದ ಈ ಗ್ರಾಮವು 2 ಕಿಲೋಮೀಟರ್ ಅರುಣಾಚಲ ಪ್ರದೇಶದೊಳಗೆ, ಡೋಕ್ಲಾಮ್ ಗೆ ಬಹಳ ಹತ್ತಿರದಲ್ಲಿದೆ ಎಂಬುದನ್ನು ತೋರಿಸುತ್ತಿವೆ.

ವಿವಾದಿತ ಗಡಿ ಪ್ರದೇಶಗಳಲ್ಲಿ ಚೈನಾ ಈ ರೀತಿಯಾಗಿ ಅತಿಕ್ರಮಣ ಮಾಡಿ ಗ್ರಾಮಗಳನ್ನೇ ನಿರ್ಮಿಸಲು ಧೈರ್ಯ ತೋರಿಸುತ್ತಿರುವುದು ಭಾರತದ ಸಾಮರ್ಥಕ್ಕೆ ಎದುರಾದ ದೊಡ್ಡ ಸವಾಲಾಗಿದೆ.