ರಿಯಾದ್: ಕೋವಿಡ್ ನಿಂದಾಗಿ ಭಾರತ ಸೇರಿದಂತೆ 9 ರಾಷ್ಟ್ರಗಳಿಗೆ ಪ್ರಯಾಣಿಕರಿಗೆ ನಿರ್ಬಂಧ ಹೇರಿದ್ದ ಸೌದಿ ಅರೇಬಿಯಾ ಆಂತರಿಕ ಸಚಿವಾಲಯ, ಪ್ರಸಕ್ತ ಈಗ ಶಿಕ್ಷಣ ಸಿಬ್ಬಂದಿಗಳಿಗೆ ನೇರ ಪ್ರಯಾಣಕ್ಕೆ ಅವಕಾಶ ನೀಡಿದೆ ಎಂದು ಸೌದಿ ಪ್ರೆಸ್ ಏಜೆನ್ಸಿ ವರದಿ ಮಾಡಿದೆ.
ಸೌದಿ ಅರೇಬಿಯಾದ ಸಚಿವಾಲಯ ಈ ಕೆಳಗಿನ ವಿಭಾಗಗಳಿಗೆ ನೇರ ಪ್ರಯಾಣಕ್ಕೆ ಅವಕಾಶ ಕಲ್ಪಿಸಲಾಗಿದೆ.
• ವಿಶ್ವವಿದ್ಯಾಲಯ, ಕಾಲೇಜು ಮತ್ತು ಇನ್ನಿತರ ಶಿಕ್ಷಣಗಳ ಅಧ್ಯಾಪಕರು
• ಸಾಮಾನ್ಯ ಶಿಕ್ಷಕರು
• ತಾಂತ್ರಿಕ ಮತ್ತು ವೃತ್ತಿಪರ ತರಬೇತಿ ನಿಗಮ ಮತ್ತು ತರಬೇತಿ ಸಂಸ್ಥೆಗಳಲ್ಲಿ ಮೇಲ್ವಿಚಾರಕ
• ಸ್ಕಾಲರ್ ಶಿಪ್ ವಿದ್ಯಾರ್ಥಿಗಳು
ನೂತನ ಆದೇಶದನ್ವಯ ತಮ್ಮ ದೇಶಗಳಿಂದ ನಿರ್ಗಮಿಸಿ ಸೌದಿ ಪ್ರವೇಶಿಸುವ ಮುನ್ನ ಮೂರನೇ ರಾಷ್ಟ್ರದಲ್ಲಿ 14 ದಿನದ ಕ್ವಾರಂಟೈನ್ ಅಗತ್ಯವಿರುವುದಿಲ್ಲ.
ಕೋವಿಡ್ ವಾಕ್ಸಿನ್ ಪಡೆಯದವರಿಗೆ ಸೌದಿ ಅರೇಬಿಯಾದಲ್ಲಿ 14 ದಿನಗಳ ಕ್ವಾರಂಟೈನ್ ಕಡ್ಡಾಯವಾಗಲಿದೆ. ಮಾತ್ರವಲ್ಲ ಈ ಅವಧಿಯಲ್ಲಿ ಅವರು ಲಸಿಕೆಯನ್ನು ಪಡೆಯಬೇಕಾಗಿದೆ ಎಂದು ಸಚಿವಾಲಯ ತನ್ನ ಹೇಳಿಕೆಯಲ್ಲಿ ಉಲ್ಲೇಖಿಸಿದೆ.
ಪ್ರಸ್ತುತ ಭಾರತ, ಪಾಕಿಸ್ತಾನ, ಇಂಡೋನೇಷ್ಯಾ, ಈಜಿಪ್ಟ್, ಟರ್ಕಿ, ಬ್ರೆಜಿಲ್, ಇಥಿಯೋಪಿಯಾ, ವಿಯೆಟ್ನಾಂ, ಅಫ್ಘಾನಿಸ್ತಾನ ಮತ್ತು ಲೆಬನಾನ್ ದೇಶಗಳು ಪ್ರಯಾಣ ನಿಷೇಧವನ್ನು ಎದುರಿಸುತ್ತಿವೆ.
ಸೌದಿ ಅರೇಬಿಯಾದ ನೂತನ ನಿಯಮ ಅಲ್ಲಿನ ಅಧಿಕೃತ ರೆಸಿಡೆನ್ಸಿ ವೀಸಾ ಹೊಂದಿರುವ ಮತ್ತು ಸಂಪೂರ್ಣ ಲಸಿಕೆ ಪಡೆದ ವಿದೇಶಿಯರಿಗೆ ಮಾತ್ರ ಅನ್ವಯಿಸುತ್ತದೆ.
