ಬೆಂಗಳೂರು: ಇಲ್ಲಿನ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಲಕ್ನೋ ಸೂಪರ್ ಜೈಂಟ್ಸ್ (RCB vs LSG) ತಂಡಗಳ ನಡುವಿನ ಸೆಣಸಾಟದಲ್ಲಿ ಕೆಎಲ್ ರಾಹುಲ್ ತಂಡ ಗೆಲುವು ತನ್ನದಾಗಿಸಿದೆ.
ಈ ಮೂಲಕ ಸತತ 2ನೇ ಗೆಲುವನ್ನು ಲಕ್ನೋ ಸೂಪರ್ ಜೈಂಟ್ಸ್ ಕಂಡಿದೆ. ಇದೇ ಸಮಯದಲ್ಲಿ ಸತತ ಮೂರನೇ 2ನೇ ಸೋಲಿನ ಕಹಿಯನ್ನು ಆರ್ಸಿಬಿ ಪಡೆ ಅನುಭವಿಸಿದೆ.
ಟಾಸ್ ಗೆದ್ದ ಆರ್ಸಿಬಿ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಕಾರಣ ಬ್ಯಾಟಿಂಗ್ ಆರಂಭಿಸಿದ ಲಕ್ನೋ ಭರ್ಜರಿ ಪ್ರದರ್ಶನ ನೀಡಿತು. ಅಂತಿಮವಾಗಿ ಎಲ್ಎಸ್ಜಿ 20 ಓವರ್ಗೆ 5 ವಿಕೆಟ್ ನಷ್ಟಕ್ಕೆ 181 ರನ್ ಸಿಡಿಸಿತು. ಈ ಟಾರ್ಗೆಟ್ ಬೆನ್ನಟ್ಟಿದ ಬೆಂಗಳೂರು ತಂಡವು 19.4 ಓವರ್ಗೆ 153 ರನ್ ಗಳಿಗೆ ಆಲೌಟ್ ಆಯಿತು.
ಲಕ್ನೋದ ಯುವ ಬೌಲರ್ ಮಯಾಂಕ್ ಯಾದವ್ ಬೌಲಿಂಗ್ಗೆ ರನ್ ಗಳಿಸಲು ಪರದಾಡಿದ ಆರ್ಸಿಬಿಯ ಪ್ರಮುಖ ಮೂವರು ಬ್ಯಾಟರ್ಗಳು ವಿಕೆಟ್ ಒಪ್ಪಿಸಿದರು. ಮಯಾಂಕ್ ಯಾದವ್ ನಾಲ್ಕು ಓವರ್ಗಳಲ್ಲಿ ಕೇವಲ 14 ರನ್ ನೀಡಿ 3 ವಿಕೆಟ್ ಕಿತ್ತು ಮಿಂಚಿದರು. ಆರ್ಸಿಬಿ 28 ರನ್ ಗಳಿಂದ ಸೋಲನ್ನಪ್ಪಿದೆ.