ಅರ್ನಾಬ್ ಗೋಸ್ವಾಮಿ ಚಾನೆಲ್ ನಿಂದ ಜಾಹೀರಾತು ಹಿಂಪಡೆಯುವಂತೆ ‘ಝೊಮಾಟೊ’ಗೆ ನಟಿ ಸ್ವರಾ ಭಾಸ್ಕರ್ ಒತ್ತಾಯ

ಮುಂಬೈ : ಬಿಜೆಪಿ ಬೆಂಬಲಿಗ ಪತ್ರಕರ್ತ ಅರ್ನಾಬ್ ಗೋಸ್ವಾಮಿಯ ‘ರಿಪಬ್ಲಿಕ್ ಭಾರತ್’ ಚಾನೆಲ್ ಗೆ ನೀಡಿರುವ ಜಾಹೀರಾತನ್ನು ಹಿಂಪಡೆಯುವಂತೆ ಝೊಮಾಟೊ ಸಂಸ್ಥೆಗೆ ಬಾಲಿವುಡ್ ನಟಿ ಸ್ವರಾ ಭಾಸ್ಕರ್ ಒತ್ತಾಯಿಸಿದ್ದಾರೆ.

ಈ ಕುರಿತು ಟ್ವೀಟ್ ಮಾಡಿರುವ ಸ್ವರಾ, ಹೇ ಝೊಮಾಟೊ, ನಾನು ನಿನ್ನ ದೈನಂದಿನ ಗ್ರಾಹಕಿ. ದ್ವೇಷ ಹರಡುವ ರಿಪಬ್ಲಿಕ್ ಭಾರತ್ ನಂತಹ ಚಾನೆಲ್ ಗಳಿಂದ ನಿಮ್ಮ ಜಾಹೀರಾತು ಹಿಂಪಡೆಯಿರಿ. ಇಂತಹ ಕೋಮುವಾದಿ, ಧರ್ಮಾಂಧರಿಗೆ ನನ್ನ ಹಣ ಪರೋಕ್ಷವಾಗಿ ಸಲ್ಲಿಕೆಯಾಗುವುದೂ ನನಗಿಷ್ಟವಿಲ್ಲ ಎಂದು ಟ್ವೀಟ್ ಮಾಡಿದ್ದಾರೆ.

ಅದಕ್ಕೆ ಪ್ರತಿಕ್ರಿಯಿಸಿರುವ ಝೊಮಾಟೊ, ನಾವು ನಮ್ಮದೇ ವಿಷಯಗಳನ್ನು ಹೊರತುಪಡಿಸಿ, ಉಳಿದ ಯಾವುದೇ ಅಂಶಗಳಿಗೆ ಅವಕಾಶ ನೀಡುವುದಿಲ್ಲ. ನಾವು ಈ ಬಗ್ಗೆ ಪರಿಶೀಲಿಸುತ್ತೇವೆ ಎಂದು ಉತ್ತರಿಸಿದೆ.