ಓಂ ಚಿಹ್ನೆಯ ನಾಣ್ಯ ಈಸ್ಟ್ ಇಂಡಿಯಾ ಕಂಪನಿಯದ್ದೆಂದು ಸುಳ್ಳು ಹಬ್ಬಿಸುತ್ತಿರುವ ಪೋಸ್ಟ್ ಕಾರ್ಡ್: ವಿಕ್ರಮನ ಸುಳ್ಳು ಸುದ್ದಿಯ ನೈಜತೆ ಇಲ್ಲಿದೆ ನೋಡಿ

ಬೆಂಗಳೂರು: ಈಸ್ಟ್ ಇಂಡಿಯಾ ಕಂಪನಿಯ ಹಳೆಯ ತಾಮ್ರದ ನಾಣ್ಯದ ಮೇಲೆ ಓಂ ಎಂದು ಎಂದು ಬರೆದಿರುವ ಚಿತ್ರವೊಂದು ಮಹೇಶ್ ವಿಕ್ರಂ ಹೆಗ್ಡೆ ಸಾರಥ್ಯದ ಪೋಸ್ಟ್ ಕಾರ್ಡ್ ಫೇಸ್ಬುಕ್ ಪೇಜಿನಲ್ಲಿ ವೈರಲ್ ಆಗುತ್ತಿದ್ದು ಇದು ಸುಳ್ಳು ಮಾಹಿತಿ ಎಂದು ದೃಡಪಟ್ಟಿದೆ

‘coinquest.com’ ವೆಬ್ ಸೈಟ್  ಮೂಲಕ ಅನ್ವೇಷಿಸಿದಾಗ ಹಿಂದೂ ದೇವತೆ ಮತ್ತು ಓಂ ಚಿಹ್ನೆಯ ಎಂಬ ಈ ನಾಣ್ಯಗಳನ್ನು ಈಸ್ಟ್ ಇಂಡಿಯಾ ಕಂಪನಿಯು ಬಿಡುಗಡೆ ಮಾಡಿಲ್ಲ ಎಂದು ತಿಳಿದು ಬಂದಿವೆ.

ಭಾರತೀಯ ರಿಸರ್ವ್ ಬ್ಯಾಂಕ್ ವೆಬ್ಸೈಟ್ನಲ್ಲಿ ಲಭ್ಯವಿರುವ ನಾಣ್ಯಗಳ ಇತಿಹಾಸವನ್ನು ಮತ್ತು ವಾಸ್ತವವಾಗಿ ಕಾನೂನುಬದ್ಧ ಟೆಂಡರ್ ಆಗಿರುವ ಎಲ್ಲಾ ನಾಣ್ಯಗಳನ್ನು  ಪರಿಶೀಲಿಸಿದಾಗ ಈ ನಾಣ್ಯಗಳನ್ನು ಸೇರಿಸಲಾಗಿಲ್ಲ ಎಂದು ತಿಳಿದು ಬಂದಿದೆ

ಈ ನಾಣ್ಯಗಳು ಆರ್ ಬಿಐ ದಾಖಲೆಗಳಲ್ಲಿಲ್ಲದ ಕಾರಣ ಪೋಸ್ಟ್ ಕಾರ್ಡ್ ಪೇಜ್ ತನ್ನ ಪೇಜಿನಲ್ಲಿ ಹಂಚುತ್ತಿರುವ ಈ ಚಿತ್ರ ಕಾಲ್ಪನಿಕ ಸೃಷ್ಟಿಗಳನ್ನು ಮಾತ್ರ ಪ್ರತಿನಿಧಿಸುತ್ತಿದ್ದು ಸತ್ಯಕ್ಕೆ ದೂರವಾದದ್ದು ಎಂಬುವುದು ಸ್ಪಷ್ಟವಾಗಿದೆ