ಬೆಳ್ತಂಗಡಿ: ಚಿನ್ನದ ನಿಧಿ ಎಂಬ ಮೋಸದ ಜಾಲಕ್ಕೆ ಬಲಿಯಾಗಿ ತುಮಕೂರಿನಲ್ಲಿ ಸುಟ್ಟು ಕರಕಲಾದ ಬೆಳ್ತಂಗಡಿಯ ಇಸಾಕ್ ಮದ್ದಡ್ಕ , ಸಾಹುಲ್ ಹಮೀದ್ ಉಜಿರೆ ಮತ್ತು ಸಿದ್ದೀಕ್ ಶಿರ್ಲಾಲ್ ರವರ ಮನೆಗೆ SDPI ನಿಯೋಗ ಭೇಟಿ ನೀಡಿ ಮನೆಯವರಿಗೆ ಸಾಂತ್ವನ ಹೇಳಿದೆ.
ಬಳಿಕ ಮಾದ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಮುಖಂಡ ರಿಯಾಝ್ ಪರಂಗಿಪೇಟೆ, ಇಂತಹ ಘಟನೆಗಳು ಗೃಹ ಸಚಿವರ ತವರಿನಲ್ಲಿ ಈ ಘಟನೆ ನಡೆದಿದೆ. ಇಂತಹ ಘೋರ ಘಟನೆ ನಡೆಯುತ್ತಿರುವಾಗ ಪೊಲೀಸರು ಏನು ಮಾಡುತ್ತಿದ್ದಾರೆ? ಪೊಲೀಸರಿಗೆ ಈ ಘಟನೆಯಲ್ಲಿ ಶಾಮೀಲಾತಿ ಇದೆ ಎಂದು ಅನುಮಾನ ಇದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಇದೊಂದು ಘೋರ ಘಟನೆಯಾಗಿದೆ. ನಿಧಿಯಾಸೆ ತೋರಿಸಿ ಶ್ರೀಮಂತರನ್ನು, ನಿರುದ್ಯೋಗಿಗಳನ್ನು ಸುಲಿಗೆ ಮಾಡುವ, ಕ್ರೂರವಾಗಿ ಕೊಲ್ಲುವ ಇಂತಹ ಘಟನೆಗಳ ಬಗ್ಗೆ ಪೊಲೀಸ್ ಅಧಿಕಾರಿಗಳು ಸೂಕ್ತ ಕ್ರಮ ಕೈಗೊಳ್ಳಬೇಕಾಗಿದೆ ಎಂದು ಹೇಳಿದ್ದಾರೆ.
ಯುವ ಸಮುದಾಯ ಹಣದ ಆಮಿಷಗಳಿಗೆ ಒಳಗಾಗಿ ನಿಧಿ ಶೋಧ, ಕರಿನೋಟು, ಆರ್.ಪಿ, ನಕ್ಷತ್ರ ಆಮೆ ಮುಂತಾದ ಮೋಸದ ಜಾಲ ಮತ್ತು ಅಡ್ಡದಾರಿಯ ವ್ಯವಹಾರಗಳ ಬಗ್ಗೆ ಜಾಗೃತರಾಗಿಬೇಕಾಗಿದೆ ಎಂಬ ಸಲಹೆಯನ್ನೂ ಅವರು ನೀಡಿದ್ದಾರೆ.
