ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿಯವರು ಇಂದು ನೂತನ ಸಂಸತ್ ಭವನ ಕಟ್ಟಡಕ್ಕೆ ಶಿಲಾನ್ಯಾಸ ನೆರವೇರಿಸಿದರು. ಸುಮಾರು ರೂ. 971 ಕೋಟಿ ವೆಚ್ಚದಲ್ಲಿ ನಿರ್ಮಾಣಗೊಳ್ಳುತ್ತಿವ ನೂತನ ಸಂಸತ್ ಭವನದ ಕಟ್ಟಡದಲ್ಲಿ ಲೋಕಸಭೆಯಲ್ಲಿ ಸುಮಾರು 888 ಸದಸ್ಯರು ಮತ್ತು ರಾಜ್ಯಸಭೆಯಲ್ಲಿ 384 ಸದಸ್ಯರಿಗೆ ಆಸನ ಸಾಮರ್ಥ್ಯಹೊಂದಿದೆ.
ಶೃಂಗೇರಿ ಮಠದ ಜಗದ್ಗುರು ಭಾರತೀ ತೀರ್ಥ ಪುರೋಹಿತರಿಂದ ಮೊದಲು ಗುರು ಪ್ರಾರ್ಥನೆ, ಗಣಪತಿ ಪೂಜೆ ಹಾಗೂ ಪುಣ್ಯಾಹ ವಾಚನ ಮಾಡಲಾಯಿತು. ಈ ಬಳಿಕ ದೇಶದ ನೂತನ ಸಂಸತ್ ಕಟ್ಟಡದ ಶಂಕುಸ್ಥಾಪನೆ ಹಾಗೂ ಗುದ್ದಲಿ ಭೂಜೆಯನ್ನು ಪ್ರಧಾನಿ ನರೇಂದ್ರ ಮೋದಿಯವರು ನೆರವೇರಿಸಿದರು. ಇದೇ ವೇಳೆ ಸರ್ವಧರ್ಮ ಪ್ರಾರ್ಥನೆಯೂ ನಡೆಯಿತು. ನೂತನ ಸಂಸತ್ ಭವನ ಆಧುನಿಕ ಸೌಲಭ್ಯಗಳನ್ನು ಹೊಂದಿರಲಿದೆ.
ಹೊಸ ಸಂಸತ್ ಕಟ್ಟಡದ ವಿಶೇಷತೆಗಳು
1. ಈ ಕಟ್ಟಡವು ಲೋಕಸಭೆಯಲ್ಲಿ 888 ಸದಸ್ಯರು ಮತ್ತು ರಾಜ್ಯಸಭೆಯಲ್ಲಿ 384 ಸದಸ್ಯರಿಗೆ ಆಸನ ಸಾಮರ್ಥ್ಯಹೊಂದಿದೆ. ಪ್ರಸ್ತುತ ಸಂಸತ್ತಿನಲ್ಲಿ 543 ಸದಸ್ಯರು ಮತ್ತು 245 ಸದಸ್ಯರಿದ್ದಾರೆ. ಮುಂದಿನ ದಿನಗಳಲ್ಲಿ ಈ ಸಂಖ್ಯೆ ಹೆಚ್ಚಾದಲ್ಲಿ, ಅದನ್ನು ನಿರ್ವಹಿಸಲು ಹೆಚ್ಚುವರಿ ಸೀಟುಗಳ ಸಾಮರ್ಥ್ಯವನ್ನು ಒಳಗೊಳ್ಳಲಿದೆ.
2. ಲೋಕಸಭೆಯ ಜಂಟಿ ಅಧಿವೇಶನಗಳಿಗೆ 1,224 ಸದಸ್ಯರು ಕುಳಿತುಕೊಳ್ಳುವ ಸಾಮರ್ಥ್ಯ ಹೊಂದಿದೆ.
3. ಈ ಹೊಸ ಕಟ್ಟಡವು ಈಗಿನದಕ್ಕಿಂತ 17,000 ಚದರ ಮೀಟರ್ ದೊಡ್ಡದಾಗಿದ್ದು, ಭೂಕಂಪ ನಿರೋಧಕವಾಗಿರುತ್ತದೆ.
4. ಹೊಸ ಕಟ್ಟಡವು 64,500 ಚದರ ಮೀಟರ್ ವಿಸ್ತೀರ್ಣದಲ್ಲಿ ನಿರ್ಮಾಣಗೊಳ್ಳುತ್ತಿದ್ದು, ಇದಕ್ಕಾಗಿ 971 ಕೋಟಿ ರೂ. ಖರ್ಚು ಆಗಲಿದೆ.
5. ರಾಷ್ಟ್ರಪತಿ, ಪ್ರಧಾನಮಂತ್ರಿ, ಲೋಕಸಭೆ ಸ್ಪೀಕರ್, ರಾಜ್ಯಸಭಾ ಅಧ್ಯಕ್ಷರು, ಸಂಸತ್ ಸದಸ್ಯರು ಮತ್ತು ಸಾರ್ವಜನಿಕರಿಗೆ ಪ್ರತ್ಯೇಕ ಪ್ರವೇಶವನ್ನು ಹೊಂದಿರುವ ನಾಲ್ಕು ಮಹಡಿಗಳ ಕಟ್ಟಡ ಇದಾಗಿದೆ. ಕಟ್ಟಡ ನಿರ್ಮಾಣ ಗುತ್ತಿಗೆಯನ್ನು ಎಚ್ ಸಿಪಿ ವಿನ್ಯಾಸ, ಯೋಜನೆ ಮತ್ತು ನಿರ್ವಹಣೆ ಪ್ರೈವೇಟ್ ಲಿಮಿಟೆಡ್ ಪಡೆದುಕೊಂಡಿದೆ.
6. ಹೊಸ ಕಟ್ಟಡದಲ್ಲಿ ಕಾಗದರಹಿತ ಕಚೇರಿಯನ್ನು ನಿರ್ಮಿಸಲು ಡಿಜಿಟಲ್ ಇಂಟರ್ ಫೇಸ್ ಗಳನ್ನು ಅಳವಡಿಸಲಾಗುತ್ತಿದೆ.
7. ಹೊಸ ಕಟ್ಟಡ ಮೂಲ ಸಂವಿಧಾನವನ್ನು ಪ್ರದರ್ಶಿಸಲು ಸಂವಿಧಾನ ಭವನವನ್ನು ಹೊಂದಿರಲಿದೆ.
