ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ವತಿಯಿಂದ ‘ಫೆಲೆಸ್ತೀನ್; ನ್ಯಾಯ ಮತ್ತು ಶಾಂತಿಯ ಹಾದಿ’ ಕುರಿತ ಆನ್ ಲೈನ್ ಸಾರ್ವಜನಿಕ ಸಭೆ
ಮೇ 30, 2021, ಭಾನುವಾರ ಸಂಜೆ 7ರಿಂದ ರಾತ್ರಿ 9 ಗಂಟೆಯವರೆಗೆ (ಅಂತಾರಾಷ್ಟ್ರೀಯ ಕಾಲಮಾನ; ಮಧ್ಯಾಹ್ನ 1.30ರಿಂದ 3.30) ನಡೆಯಲಿದೆ ಎಂದು ಪ್ರಕಟಣೆ ತಿಳಿಸಿದೆ.
ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಅಧ್ಯಕ್ಷ ಒಎಂಎ ಸಲಾಂ ಉದ್ಘಾಟಿಸಲಿದ್ದು, ಫೆಲೆಸ್ತೀನಿಯನ್ನರ ಪರ ಬದಲಾದ ಸಾರ್ವಜನಿಕ ಅಭಿಪ್ರಾಯ ಎಂಬ ವಿಷಯದ ಕುರಿತು ಶಿಕ್ಷಣ ತಜ್ಞ ಮತ್ತು ಗಾಝಾ ರೈಟ್ಸ್ ಬ್ಯಾಕ್ ನ ಸಂಪಾದಕ ರೆಫಾತ್ ಅಲರೀಲ್ ಹಾಗೂ ಪ್ರಸ್ತುತ ಬಿಕ್ಕಟ್ಟನ್ನು ಫೆಲೆಸ್ತೀ ನ್ ಹೇಗೆ ಎದುರಿಸಿದೆ ಎಂಬುದರ ಕುರಿತು ಸಿಐಜಿಎ ನಿರ್ದೇಶಕರು ಮತ್ತು ಇಸ್ತಾಂಬುಲ್ ಸಬಾಹತ್ತಿನ್ ಝೈಮ್ ಯೂನಿವರ್ಸಿಟಿಯ ಪಬ್ಲಿಕ್ ಅಫೇರ್ಸ್ ಪ್ರೊಫೆಸರ್ ಡಾ.ಸಮಿ ಅಲಿ ಏರಿಯನ್ ಮಾತನಾಡಲಿದ್ದಾರೆ.
ಫೆಲೆಸ್ತೀನಿಯನ್ನರ ಹೋರಾಟದಿಂದ ಜನಪರ ಚಳವಳಿಗಳು ಕಲಿಯಬೇಕಾದ ಪಾಠ ಎಂಬ ವಿಷಯವನ್ನು ಎನ್ ಸಿಎಚ್ಆರ್ ಒ ಪ್ರಧಾನ ಕಾರ್ಯದರ್ಶಿ, ಪ್ರೊ.ಪಿ.ಕೋಯಾ ಮಂಡಿಸಲಿದ್ದಾರೆ. ಫೆಲೆಸ್ತೀನ್ ಗಾಗಿ ಅರಬ್-ಇಸ್ರೇಲ್ ಸಾಮಾನ್ಯ ಸ್ಥಿತಿಯೆಡೆಗೆ ಹಿಂದಿರುಗುವ ಪರಿಣಾಮ ಕುರಿತು ಗಾಝಾ ಇಸ್ಲಾಮಿಕ್ ಯೂನಿವರ್ಸಿಟಿ ಭಾಷಾಶಾಸ್ತ್ರ ವಿಭಾಗದ ಸಹಾಯಕ ಪ್ರೊಫೆಸರ್ ಡಾ.ಮೊಶೀರ್ ಎ.ಅಮಿರ್ ಮಾತನಾಡಲಿದ್ದಾರೆ.
ಮಾಧ್ಯಮ ಮತ್ತು ಫೆಲೆಸ್ತೀನ್ ಉದ್ದೇಶ- ಮುಂದಿನ ಹಾದಿ ಕುರಿತು ಸಾಮಾಜಿಕ ಕಾರ್ಯಕರ್ತೆ ಮತ್ತು ಫ್ರೆಂಡ್ಸ್ ಆಫ್ ಫೆಲೆಸ್ತೀನ್ ನ ಪಿಆರ್ ಮತ್ತು ಮಾಧ್ಯಮ ಮುಖ್ಯಸ್ಥೆ ಲೀನ್ ಸಾಲಿಹ್ ವಿವರಿಸಲಿದ್ದಾರೆ. ಪಿಎಫ್ಐ ಪ್ರಧಾನ ಕಾರ್ಯದರ್ಶಿ ಅನೀಸ್ ಅಹ್ಮದ್ ಕಾರ್ಯಕ್ರಮ ನಿರ್ವಹಿಸಲಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.
ಕಾರ್ಯಕ್ರಮವನ್ನು pfiofficial ಯೂಟ್ಯೂಬ್ ನಲ್ಲಿ ಹಾಗೂ popularfrontofindiaofficial ಫೇಸ್ ಬುಕ್ ನಲ್ಲಿ ನೇರವಾಗಿ ವೀಕ್ಷಿಸಬಹುದು.
