ಪೇಷಾವರ: ಪಾಕಿಸ್ತಾನದ ಬಲೂಚಿಸ್ತಾನ್ ಪ್ರಾಂತದಲ್ಲಿ ಪ್ರತಿಭಟನಾಕಾರರು ಭದ್ರತಾ ಪಡೆಗಳೊಂದಿಗೆ ಘರ್ಷಣೆ ನಡೆಸಿದ್ದು, ಈ ಘರ್ಷಣೆಯಲ್ಲಿ ಕನಿಷ್ಠ 3 ಮಂದಿ ಮೃತಪಟ್ಟಿದ್ದಾರೆ. ಸುಮಾರು 29 ಮಂದಿ ಗಾಯಗೊಂಡಿದ್ದಾರೆ.
ಬಲೂಚಿಸ್ತಾನ ಪ್ರಾಂತದ ಜನರ ಹಕ್ಕುಗಳಿಗಾಗಿ ಮತ್ತು ಪ್ರಾಂತದಲ್ಲಿನ ಪ್ರಾಕೃತಿಕ ಸಂಪನ್ಮೂಲದ ಸುರಕ್ಷತೆಗಾಗಿ ಆಗ್ರಹಿಸಿ ಬಲೂಚಿಸ್ತಾನ್ ಯಕ್‍ಜೆತಿ ಸಮಿತಿ(ಬಿವೈಸಿ) ಗ್ವದರ್ ನಗರದಲ್ಲಿ ರವಿವಾರ ಆಯೋಜಿಸಿದ ಧರಣಿಯಲ್ಲಿ ಈ ದುರಂತ ನಡೆದಿದೆ.
ಪ್ರತಿಭಟನೆಯ ಹಿನ್ನೆಲೆಯಲ್ಲಿ ನಗರ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಭದ್ರತಾ ಪಡೆ ಬ್ಯಾರಿಕೇಡ್‍ಗಳನ್ನು ನಿರ್ಮಿಸಿತ್ತು. ಭಾರೀ ಸಂಖ್ಯೆಯಲ್ಲಿ ಸೇರಿದ್ದ ಪ್ರತಿಭಟನಾಕಾರರು ಭದ್ರತಾ ಪಡೆಗಳ ಜತೆ ಘರ್ಷಣೆಗೆ ಇಳಿದು ಘರ್ಷಣೆ ನಡೆಯಿತು ಎಂದು ವರದಿಯಾಗಿದೆ.
ಪ್ರತಿಭಟನಾಕಾರರನ್ನು ಚದುರಿಸಲು ಲಾಠಿಜಾರ್ಚ್, ಅಶ್ರುವಾಯು ಪ್ರಯೋಗ ವಿಫಲವಾದಾಗ ರಬ್ಬರ್ ಬುಲೆಟ್‍ಗಳನ್ನು ಭದ್ರತಾ ಪಡೆ ಬಳಸಿದೆ.
ಭದ್ರತಾ ಪಡೆಗಳ ಗೋಲಿಬಾರ್ ಖಂಡಿಸಿ ಮತ್ಸುಂಗ್, ಕಲಾತ್, ನೋಶ್ಕಿ, ದಲ್ಬಾಂದಿನ್, ಲಸ್ಬೆಲಾ, ಚಗಾಯ್, ಟರ್ಬಟ್, ಗ್ವದರ್ ಸೇರಿದಂತೆ ಹಲವು ನಗರಗಳಲ್ಲಿ ಬಂದ್ ಆಚರಿಸಲಾಗಿದೆ.
