ನವದೆಹಲಿ: ಮೂರು ದಶಕಗಳಿಂದ ಟೀವಿಗಳಲ್ಲಿ ಮಿಂಚುತ್ತಿದ್ದ ನಿರೂಪಕಿ ನೂಪುರ್ ಅಲಂಕಾರ್ ನನಗೆ ಈ ಬಂಧನ ಸಾಕಾಗಿದೆ ಎಂದು ಸನ್ಯಾಸತ್ವ ಸ್ವೀಕರಿಸಿದ್ದಾರೆ.
ನೂಪುರ್ ಅವರು ಕಾವಿ ನಿಲುವಂಗಿಯಲ್ಲಿ ಕಾಣಿಸಿಕೊಂಡು, ತೀರ್ಥ ಯಾತ್ರೆ ಮಾಡುತ್ತ ಹಿಮಾಲಯದತ್ತ ನಡೆದಿದ್ದಾರೆ
ಈ ವರ್ಷ ಫೆಬ್ರವರಿಯಲ್ಲೇ ತಾನು ಸನ್ಯಾಸ ಸ್ವೀಕರಿಸಿದ್ದಾಗಿ ನೂಪುರ್ ಹೇಳಿದ್ದರು. ಅಧ್ಯಾತ್ಮ ನನ್ನ ಆಯ್ಕೆ. ಅದರತ್ತ ಪೂರ್ಣ ಚಿತ್ತಕ್ಕೆ ಇಷ್ಟು ಕಾಲ ಬೇಕಾಯಿತು ಎಂದು ಅವರು ಹೇಳಿದ್ದಾರೆ.
ಕೊರೋನಾ ಲಾಕ್ ಡೌನ್ ಎಲ್ಲ ಸಂಬಂಧಗಳನ್ನು ಕಡಿದುಕೊಳ್ಳಲು ನನಗೆ ಕಲಿಸಿತು. ಮುಂಬೈಯಲ್ಲಿ ಫ್ಲಾಟ್ ಹೊಂದಿರುವ ನೂಪುರ್ ಅಲ್ಲಿ ಸಿಗುವ ಬಾಡಿಗೆಯಿಂದ ನನ್ನ ಮುಂದಿನ ಯಾತ್ರೆ ಎಂದು ಹೇಳಿದ್ದಾರೆ.
“ನಾನು ಶೋ ವೃತ್ತಿಯಲ್ಲಿದ್ದಾಗ ಜನಪ್ರಿಯತೆಗೆ ಒತ್ತು ನೀಡುತ್ತಿದ್ದೆ. ಈಗ ಆ ಒತ್ತಡವೂ ಇಲ್ಲ ಮತ್ತು ಬದುಕಿನ ನಾಟಕವೂ ಇನ್ನಿಲ್ಲ” ಎಂದು ಹೇಳಿದ್ದಾರೆ.
ನಟ ಅಲಂಕಾರ್ ಶ್ರೀವಾತ್ಸವ್ ಜೊತೆ ನೂಪುರ್ ಮದುವೆಯಾಗಿದ್ದರು. ಈಗ ಆ ದಾಂಪತ್ಯಕ್ಕೂ ಕೊನೆ ಹಾಡಿದ್ದೇನೆ. ಅಗತ್ಯವಾದ ಕಾನೂನು ಪ್ರಕ್ರಿಯೆ ಮೂಲಕ ದೂರವಾಗುವುದಕ್ಕೆ ಮೊದಲೇ ನಾನು ಸಂಸಾರದಿಂದ ಮುಕ್ತಳಾಗಿದ್ದೇನೆ ಎನ್ನುತ್ತಾರೆ ನೂಪುರ್.
ಕೆಲವು ಚಲನಚಿತ್ರಗಳಲ್ಲೂ ನಟಿಸಿರುವ ನೂಪುರ್ ಶಕ್ತಿಮಾನ್, ತಂತ್ರ, ಘರ್ ಕಿ ಲಕ್ಷ್ಮಿ ಬಿಟಿಯಾ ಮೊದಲಾದ ಕಾರ್ಯಕ್ರಮಗಳ ಭಾಗವಾಗಿದ್ದರು.
