ಸೊಸೆಯ ಸಾವಿನ ಸುದ್ದಿ ತಿಳಿದ ಅತ್ತೆಗೆ ಹೃದಯಾಘಾತ, ನಿಧನ!

ಸೊಸೆ ಸಾವಿಗೀಡಾದ ವಾಸ್ತವ ಅರಗಿಸಿಕೊಳ್ಳಲಾಗದ ಅತ್ತೆಗೆ ಹೃದಯಾಘಾತ ಆಗಿದ್ದು, ಸಾವನ್ನಪ್ಪಿದ್ದಾರೆ. ಘಟನೆ ಮಂಡ್ಯ ಜಿಲ್ಲೆ ನಾಗಮಂಗಲ ತಾಲೂಕಿನ ಕಾಡು ಅಂಕಣ ಹಳ್ಳಿಯಲ್ಲಿ ನಡೆದಿದೆ.

ಅನಾರೋಗ್ಯದಿಂದ ಸೊಸೆ ಸುಶೀಲ (42) ಸಾವನ್ನಪ್ಪಿದ್ದು ಸಾವಿನ ಸುದ್ದಿ ಅರಗಿಸಿಕೊಳ್ಳಲಾಗದೆ ಅತ್ತೆ ಹುಚ್ಚಮ್ಮ ಕೂಡ (75) ಸಾವನ್ನಪ್ಪಿದ್ದಾರೆ.

ಹುಚ್ಚಮ್ಮ ಮತ್ತು ಸುಶೀಲ ತಾಯಿ ಮಗಳಂತೆ ಬದುಕಿದ್ದರು ಎಂದು ಗ್ರಾಮಸ್ಥರು ಮಾತ ನಾಡಿಕೊಳ್ಳುತ್ತಿರೋದು ಕಂಡುಬಂದಿದೆ.

ಅನಾರೋಗ್ಯದಿಂದ ಸುಶೀಲ ಸಾವನ್ನಪ್ಪಿದ್ದಾರೆ. ಈ ಸಂದರ್ಭದಲ್ಲಿ ಸೊಸೆ ಸಾವಿನ ಸುದ್ದಿಯನ್ನು ಕೇಳಿ ಅತ್ತೆ ಹುಚ್ಚಮ್ಮ ಕೂಡ ಹೃದಯಾಘಾತದಿಂದ ಸಾವನ್ನಪ್ಪಿದ್ದು ಅತ್ತೆ ಸೊಸೆ ಸಾವಿನಿಂದ ಇಡೀ ಗ್ರಾಮದಲ್ಲಿ ಮೌನ ಆವರಿಸಿದೆ.