ಶಾಸಕ ಎಂ.ಪಿ. ಕುಮಾರಸ್ವಾಮಿಗೆ ಮಾಸ್ಕ್ ಧರಿಸಿದ್ದರೂ ಪೊಲೀಸರಿಂದ ದಂಡ | ಗೃಹ ಸಚಿವರಿಗೆ ದೂರು

Prasthutha|

ಬೆಂಗಳೂರು : ಮೂಡಿಗೆರೆ ಶಾಸಕ ಎಂ.ಪಿ. ಕುಮಾರಸ್ವಾಮಿ ಅವರು ಕಾರಿನಲ್ಲಿ ತೆರಳುತ್ತಿದ್ದ ವೇಳೆ, ಮಾಸ್ಕ್ ಧರಿಸಿದ್ದರೂ ಪೊಲೀಸರು ದಂಡ ವಿಧಿಸಿರುವ ಬಗ್ಗೆ ಗೃಹ ಸಚಿವರಿಗೆ ಬರೆದ ಪತ್ರದಲ್ಲಿ ದೂರಿದ್ದಾರೆ. ತಪ್ಪಿತಸ್ಥ ಪೊಲೀಸರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಅವರು ಒತ್ತಾಯಿಸಿದ್ದಾರೆ.

- Advertisement -

ತುರ್ತು ಕಾರಣದಿಂದಾಗಿ ತಾವು ಶಾಸಕರ ಭವನಕ್ಕೆ ತಮ್ಮ ಕಾರು ಬಿಟ್ಟು ಬಾಡಿಗೆ ಕಾರಿನಲ್ಲಿ ತೆರಳುತ್ತಿದ್ದೆ. ಈ ವೇಳೆ ಕಾರು ತಡೆದ ಪೊಲೀಸರು ಬಲವಂತವಾಗಿ ಕಾರಿನ ಗ್ಲಾಸ್ ಇಳಿಸಿ, ಒಳಗೆ ಮಾಸ್ಕ್ ಕುಳಿತಿದ್ದರೂ, ಮಾಸ್ಕ್ ಹಾಕಿಲ್ಲ ಎಂಬುದಾಗಿ ದಂಡ ವಿಧಿಸಿದ್ದಾರೆ ಎಂದು ಅವರು ಸಚಿವರಿಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ.

24-12-2020ರಂದು ಬಾಡಿಗೆ ಕಾರಿನಲ್ಲಿ ಬೆಂಗಳೂರಿನ ಶೇಷಾದ್ರಿಪುರಂ ಪೊಲೀಸ್ ಠಾಣೆ ಮುಂಭಾಗ ಸಂಚಾರಿ ವ್ಯತ್ಯಯದಿಂದ ಕಾರು ನಿಲುಗಡೆಗೊಂಡಿದ್ದ ಪೊಲೀಸರು ಕಾರಿನ ಟಿಂಟ್ ಗ್ಲಾಸ್ ಕೆಳಗಿಳಿಸುವಂತೆ ಬಲವಂತ ಪಡಿಸಿದರು. ಕಾರಿನೊಳಗಿದ್ದ ನನಗೆ ಮಾಸ್ಕ್ ಹಾಕಿದ್ದರೂ, 250 ರೂ. ದಂಡ ವಿಧಿಸಿದ್ದಾರೆ. ಮಧ್ಯಾಹ್ನ 12:30 ಗಂಟೆಗೆ ಈ ಘಟನೆ ನಡೆದಿದೆ. ಜವಾಬ್ದಾರಿಯುತ ವ್ಯಕ್ತಿಯಾಗಿ ಅವರಿಗೆ ಮರು ಮಾತನಾಡದೆ ದಂಡ ಕಟ್ಟಿರುತ್ತೇನೆ. ವಿನಾಕಾರಣ ನನ್ನ ಮೇಲೆ ದಂಡ ವಿಧಿಸಿರುವ ಪೊಲೀಸರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಈ ಮೂಲಕ ಕೋರಿಕೊಳ್ಳುತ್ತೇನೆ ಎಂದು ಶಾಸಕ ಕುಮಾರಸ್ವಾಮಿ ಗೃಹ ಸಚಿವ ಬಸವರಾಜ್ ಬೊಮ್ಮಾಯಿಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ.

Join Whatsapp