ಮಂಗಳೂರು: ಮಸೀದಿಗಳಲ್ಲಿ ಸೂರ್ಯಗ್ರಹಣ ಪ್ರಯುಕ್ತ ವಿಶೇಷ ನಮಾಝ್

ಮಂಗಳೂರು: ಸೂರ್ಯಗ್ರಹಣ ಹಿನ್ನೆಲೆಯಲ್ಲಿ ಮುಸ್ಲಿಮರು ಮಂಗಳವಾರ ಸಂಜೆ ಮಸೀದಿಗಳಲ್ಲಿ ವಿಶೇಷ ನಮಾಝ್ ನೆರವೇರಿಸಿದರು.

ಸಂಜೆ 5.15ರಿಂದ 5.45ರವರೆಗೆ ನಮಾಝ್ ನಡೆದಿದ್ದು, ನೂರಾರು ಮುಸ್ಲಿಮರು ಇದರಲ್ಲಿ ಭಾಗವಹಿಸಿದ್ದರು.

ಮಂಗಳೂರಿನ ಇಬ್ರಾಹೀಂ ಖಲೀಲ್ ಮಸ್ಜಿದ್, ಝೀನತ್ ಭಕ್ಷ್ ಮಸೀದಿ, ಪೂಂಜಾಲಕಟ್ಟೆಯ ಬದ್ರಿಯಾ ಜುಮಾ ಮಸೀದಿ ಸೇರಿದಂತೆ ಜಿಲ್ಲೆಯ ಹಲವು ಮಸೀದಿಗಳಲ್ಲಿ ವಿಶೇಷ ನಮಾಝ್ ಮತ್ತು ಖುತ್ಬಾ ನಿರ್ವಹಿಸಲಾಯಿತು.

ಇಬ್ರಾಹಿಂ ಖಲೀಲ್ ಮಸೀದಿಯಲ್ಲಿ ಸಂಜೆ ಗಂಟೆ 5:15 ಕ್ಕೆ ಸಮೂಹಿಕ ನಮಾಝ್ ನಿರ್ವಹಿಸಲಾಯಿತು. ನಮಾಝ್ ನ ನೇತೃತ್ವವನ್ನು ಮೌಲವಿ ಅಶ್ರಫ್ ರವರು ನಿರ್ವಹಿಸಿದರು ಎಂದು ಮಸೀದಿಯ ಕಾರ್ಯದರ್ಶಿ ಅಹ್ಮದ್ ಅನ್ಸಾರ್ ತಿಳಿಸಿದರು.