ಪಂಜಾಬ್ ಚುನಾವಣೆ | ನಟ ಸೋನು ಸೂದ್ ಸಹೋದರಿ ಮಾಳವಿಕಾ ಸೂದ್ ಪರಾಜಯ

ಚಂಡೀಗಢ: ಪಂಜಾಬ್ ನ ಮೋಗಾ ಕ್ಷೇತ್ರದಿಂದ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಬಾಲಿವುಡ್ ನಟ ಸೋನು ಸೂದ್ ಅವರ ಸಹೋದರಿ ಮಾಳವಿಕಾ ಸೂದ್ ಅವರು ಸೋಲನುಭವಿಸಿದ್ದಾರೆ.

ಮಾಳವಿಕ ಸೂದ್ ತಮ್ಮ ಸ್ವಗ್ರಾಮವಾದ ಮೋಗಾ ಕ್ಷೇತ್ರದಿಂದ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಕಣಕ್ಕಿಳಿದಿದ್ದರು. ಆಪ್ ಪಕ್ಷದ ಅಭ್ಯರ್ಥಿ ಡಾ. ಅಮನ್ ದೀಪ್ ಕೌರ್ ಅರೋರಾ ಅವರ ವಿರುದ್ಧ 20 ಸಾವಿರಕ್ಕೂ ಹೆಚ್ಚು ಮತಗಳ ಅಂತರದಿಂದ ಸೋಲನುಭವಿಸಿರುವ ಮಾಳವಿಕ ಒಟ್ಟು 38,125 ಮತಗಳನ್ನು ಪಡೆದಿದ್ದಾರೆ.

ಕಳೆದ ಜನವರಿಯಲ್ಲಿ ಮಾಳವಿಕ ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಯಾಗಿದ್ದರು. ಪಂಜಾಬ್ ಮುಖ್ಯಮಂತ್ರಿ ಚರಣ್ ಜೀತ್ ಸಿಂಗ್ ಛನ್ನಿ ಅವರು ಮಾಳವಿಕಾ ಅವರನ್ನು ಪಕ್ಷಕ್ಕೆ ಬರಮಾಡಿಕೊಂಡಿದ್ದರು. ಮಾಳವಿಕಾ ಪರ ಬಾಲಿವುಡ್ ನಟ, ಸಹೋದರ ಸೋನು ಸೂದ್ ಪ್ರಚಾರವನ್ನೂ ನಡೆಸಿದ್ದರು.