November 3, 2020

‘ಲವ್ ಜಿಹಾದ್’ ವಿರುದ್ಧ ಕಾನೂನು ತರಲಾಗುವುದು: ಮಧ್ಯಪ್ರದೇಶ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾನ್

ಹೊಸದಿಲ್ಲಿ: ಅಗತ್ಯವಿದ್ದರೆ ತನ್ನ ಸರಕಾರ ಅಂತರ್ಜಾತಿ ವಿವಾಹಗಳನ್ನು ದಮನಿಸುವ ಕಾನೂನನ್ನು ಪಾಸು ಮಾಡಲಿದೆ ಎಂದು ಮಧ್ಯಪ್ರದೇಶ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾನ್ ಹೇಳಿರುವುದಾಗಿ ಹಿಂದುಸ್ತಾನ್ ಟೈಮ್ಸ್ ವರದಿ ಮಾಡಿದೆ.

“ಪ್ರೀತಿಯ ಹೆಸರಿನಲ್ಲಿ ಜಿಹಾದ್ ಇಲ್ಲ. ಯಾರಾದರೂ ಇಂತಹ ಆಚರಣೆಯಲ್ಲಿ ತೊಡಗಿದರೆ ಅವರಿಗೆ ಪಾಠ ಕಲಿಸಲಾಗುವುದು ಮತ್ತು ಅದಕ್ಕಾಗಿ ಕಾನೂನೊಂದನ್ನು ಜಾರಿಗೊಳಿಸಲಾಗುವುದು” ಎಂದು ವರದಿಗಾರರ ಜೊತೆ ಮಾತನಾಡಿದ ಚೌಹಾನ್ ಹೇಳಿದ್ದಾರೆ.

ಈ ರೀತಿಯ ಕಾನೂನಿನ ಕುರಿತು ಪ್ರಸ್ತಾಪಿಸಿದ ಭಾರತೀಯ ಜನತಾ ಪಕ್ಷ ಆಳುತ್ತಿರುವ ರಾಜ್ಯದ ಮೂರನೆ ಮುಖ್ಯಮಂತ್ರಿ ಚೌಹಾನ್ ಆಗಿದ್ದಾರೆ. ಕಳೆದ ವಾರ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ “ಗುರುತು ಮರೆಮಾಚುವಿಕೆ’ಯ ಆಧಾರದಲ್ಲಿ ಮಹಿಳೆಯರನ್ನು ಮದುವೆಯಾಗುವವರಿಗೆ ಸಾವಿನ ಬೆದರಿಕೆಯನ್ನು ಹಾಕಿದ್ದರು. ಅವರ ಹರಿಯಾಣ ಸಹೋದ್ಯೋಗಿ ಮನೋಹರ್ ಲಾಲ್ ಖಟ್ಟರ್ ರವಿವಾರದಂದು ‘ಲವ್ ಜಿಹಾದ್’ ದಮನಿಸಲು ಕಾನೂನೊಂದನ್ನು ಪರಿಚಯಿಸುವುದಾಗಿ ಹೇಳಿದ್ದರು.

ವಿವಾಹದ ಉದ್ದೇಶದಿಂದ ಆಗುವ ಧಾರ್ಮಿಕ ಮತಾಂತರದ ಕುರಿತು ಅಲಹಾಬಾದ್ ಹೈಕೋರ್ಟ್ ಮಾಡಿದ ಅವಲೋಕನವನ್ನು ಉಲ್ಲೇಖಿಸಿ ಆದಿತ್ಯನಾಥ್ ಹೊಸ ಕಾನೂನಿನ ಕುರಿತು ಮಾತನಾಡಿದ್ದರು. ಸೋಮವಾರದಂದು ಬಲ್ಲಾಬ್ ಘಡ್ ನ ಫರೀದಾಬಾದ್ ನಲ್ಲಿ ಕಾಲೇಜಿನ ಹೊರಗೆ ವ್ಯಕ್ತಿಯೋರ್ವ 21ರ ಹರೆಯದ ವಿದ್ಯಾರ್ಥಿನಿಯೊಬ್ಬಳನ್ನು ಗುಂಡಿಕ್ಕಿ ಹತ್ಯೆಮಾಡಿರುವುದನ್ನು ಉಲ್ಲೇಖಿಸಿ ಖಟ್ಟರ್ ಈ ಹೇಳಿಕೆಯನ್ನು ನೀಡಿದ್ದರು.

ಫೆಬ್ರವರಿ 4ರಂದು ಕೆಂದ್ರ ಗೃಹಸಚಿವಾಲಯವು ದೇಶದಲ್ಲಿರುವ ಪ್ರಸ್ತುತ ಕಾನೂನಿನಲ್ಲಿ ಅಂತಹ ಯಾವುದೇ ವಿಷಯವನ್ನು ವಿವರಿಸಲಾಗಿಲ್ಲವೆಂದು ಹೇಳಿರುವ ಹೊರತಾಗಿಯೂ ‘ಲವ್ ಜಿಹಾದ್’ ಕಾನೂನಿನ ಕುರಿತು ಬಿಜೆಪಿಯ ಮೂವರು ಮುಖ್ಯಮಂತ್ರಿಗಳು ಪ್ರಸ್ತಾಪಿಸಿದ್ದಾರೆ.

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ