ಲಖಿಂಪುರ ಖೇರಿ ಹಿಂಸಾಚಾರ । ರಾಜ್ಯಾದ್ಯಂತ ಬಂದ್ ಗೆ ಮಹಾ ವಿಕಾಸ ಅಘಾಡಿ ಕರೆ

ಲಕ್ನೋ: “ಮಹಾ ವಿಕಾಸ್ ಅಘಾಡಿ” ವೇದಿಕೆ ವತಿಯಿಂದ ಅಕ್ಟೋಬರ್ 11 ರಂದು ಮಹಾರಾಷ್ಟ್ರರಾಜ್ಯಾದ್ಯಂತ ಬಂದ್ ನಡೆಸಲಾಗುವುದೆಂದು ಮಹಾರಾಷ್ಟ್ರದ ಎಸ್.ಸಿ.ಪಿ ನಾಯಕ, ಸಚಿವ ಜಯಂತ್ ಪಾಟೀಲ್ ತಿಳಿಸಿದ್ದಾರೆ.

ಇತ್ತೀಚೆಗೆ ಉತ್ತರಪ್ರದೇಶದ ಲಖಿಂಪುರದ ಖೇರಿಯಲ್ಲಿ ರೈತರ ವಿರುದ್ಧ ನಡೆದ ಹಿಂಸಾಚಾರದ ವಿರುದ್ಧ ಎನ್.ಸಿ.ಪಿ, ಕಾಂಗ್ರೆಸ್ ಮತ್ತು ಶಿವಸೇನೆ ಮೈತ್ರಿಯಿಂದ ಮಹಾ ವಿಕಾಸ್ ಅಘಾಡಿ ಮೂಲಕ ಮಹಾರಾಷ್ಟ್ರ ರಾಜ್ಯವ್ಯಾಪ್ತಿ ಬಂದ್ ನಡೆಸಲಾಗುವುದು ಎಂದು ಜಯಂತ್ ಪಾಟೀಲ್ ಟ್ವೀಟ್ ಮೂಲಕ ಪ್ರತಿಕ್ರಿಯಿಸಿದ್ದಾರೆ.

ಈ ಮಧ್ಯೆ ಪಾಟೀಲ್ ಅವರು ವಿಧಾನ ಸಭೆಯಲ್ಲಿ ಮೃತ ರೈತರಿಗೆ ಶ್ರದ್ಧಾಂಜಲಿ ಸಲ್ಲಿಸುವ ನಿರ್ಣಯವನ್ನು ಮಂಡಿಸಿದರು. ಇದಕ್ಕೆ ಕಂದಾಯ ಸಚಿವ ಬಾಳಾಸಾಹೇಬ್ ತೋರತ್ ಮತ್ತು ಕೈಗಾರಿಕ ಸಚಿವ ಸುಭಾಸ್ ದೇಸಾಯಿ ಅವರು ಬೆಂಬಲ ಸೂಚಿಸಿದ್ದರು.