ಮಡಿಕೇರಿ: ಹಸುವಿನ ಮೇಲೆ ದಾಳಿ ಮಾಡುತ್ತಿರುವ ಹುಲಿಯ ಚಿತ್ರ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ವಿರಾಜಪೇಟೆ ತಾಲ್ಲೂಕಿನ ಸಿದ್ದಾಪುರ ಸಮೀಪದ ಮಾರ್ಗೊಲ್ಲಿ ಟಾಟಾಕಾಫಿ ತೋಟದ ಸಿಸಿ ಕ್ಯಾಮರಾದಲ್ಲಿ ಹುಲಿಯ ಚಿತ್ರ ಸೆರೆಯಾಗಿದೆ.

ಬುಧವಾರ ರಾತ್ರಿ ಪಾಲಿಬೆಟ್ಟ ದುಬಾರಿ ತೋಟದಲ್ಲಿ ಹುಲಿ ದಾಳಿಗೆ ಕಾಡು ಎತ್ತು ಬಲಿಯಾಗಿತ್ತು. ಇದೇ ದಿನ ರಾತ್ರಿ ಮಾರ್ಗೊಲ್ಲಿ ತೋಟದ ಸಿಸಿ ಕ್ಯಾಮರಾದಲ್ಲಿ ಹುಲಿಯ ಚಿತ್ರ ಸೆರೆಯಾಗಿದೆ. ಈ ಭಾಗದ ತೋಟ ಕಾರ್ಮಿಕರು ಭೀತಿಯಲ್ಲಿದ್ದಾರೆ. ಹುಲಿಯ ಸೆರೆಗೆ ತಂಡವನ್ನು ರಚಿಸಿರುವುದಾಗಿ ಅರಣ್ಯಾಧಿಕಾರಿಗಳು ಮಾಹಿತಿ ನೀಡಿದರು.